Zɔɓe 38

4 Mini ɠa è ɠɛni ná,

siɛgi zu gè ɠɛni eteai ɓɛtɛzu la?

Dɛɛ lɛɛ nii è kwɛɛ ga ɗa-ɠeleɠelegi.

5 Ɓɛ ɠa é ma ɠɔɠɔgiti toni, è kwɛni ɓaa?

Ɓɛ ɠa é kɔɠɔ bo galui laani maazu?

6 Ná-tɔkpalaiti kɔɠɔi lɔɔʋɛ ɓɛgele zu?

Ɓɛ ɠa é ma sokoga ɠɔtui laani,

7 siɛgi zu sobui somideɠaiti ti ɠɛni guyei loozu la ʋɔɔma,

siɛgi zu GALA ná-geezuɠeelaiti ti ɠɛni ɠoozunɛɛzu la, ti ɗa zɔngɔ?

8 «Ɓɛ ɠa é daaɠuluni kpoloɗɛi ma,

kɛai ma ɠulazu dee ɠoozu,

9 siɛgi zu gè tonaɓiingi ɠɛɛni la ga maazeɠei,

gè maavelevele ganii ɠɛ ga kpidii,

10 gè pele ɓesani ná-kpizɛi luɠɔ, gè kwɛteʋe,

gè daaɠuluni ma, gè sɔɠɔgi loo?

11 Gè boni ma ga:

‹Ɗa ɠwɛsu ʋɛ, è la ɓudɛa ná maazu, è ʋa li munu,

ɗa-ɗɛ lakpatakpagiti ta-wasogi ɠa ɠwɛsu ʋɛ!›