Daniel 1

ዳነልነ እያ ላገት ባብሎነን

1 ይሁዳ ካዎይ እዮአቄም ካዎትዳ ሄን ላይን ባብሎነ ካዎይ ናቡካዳናፆር የሩሳላመ ካታማ ቦላ ደንድ ካታማ ተቅስ።✝1:1 2 ካዎ 24:1፤ 2 ታር 36:5-7. 2 ጎዳይ ይሁዳ ካዋ እዮአከመነ ፆሳ ኬን ደእያ ሚሸታፐ ባጋ፥ እያ ኩሸን አድ እሚስ። እ ሄ ሚሸታ ሳናኦራ ቢታን ደእያ ባ ኤቃ ፆሳታ ኬ ኤፍድ፥ ሚሸ ምንጅያ ኬን ዎስ።✝1:2 2 ካዎ 20:17፤ 24:10-16፤ 2 ታር 36:10፤ እሳ 39:7-8.

3 ካዎይ፥ አስፋናዛ ጌተትያ ባ ኦሳንቾታ ሀላቃ ሀይሳዳ ያግድ ኪትስ፦ "እስራኤለ አሳ ግዶፈ ካዎ ኮቸ ግድዳይሳታነ ግታ አሳታ ኮቸ ግድዳይሳታ ዶራ። 4 ዶረታና ናአተት፥ ቦረይ ባይናይሳታ፥ ማላ ሎኦታ፥ ትምርተ ኤለስድ ኤካናዉ ዳንዳኤይሳታ፥ አኬካንቾታ፥ ኤራተ ኩምዳይሳታነ ካዎ ጋን ኦናዉ ዳንዳኤይሳታ ግዳናዉ በሴስ። ኤንታ ባብሎነ ዶናነ ፃፎ ታማርሳ" ያግስ። 5 ኤንቲ ማና ካነ ኡያና ዎይነ ኡሻ ካዋ ካፈነ ኡሻፈ ጋላስ ጋላስ እማና መላ ካዎይ ኪትስ። ሄ ላይ ሎህዳፐ ጉየ ካዋ ስን ሺቅድ ኦሶ ዶማና መላ ቆፋ ኩይስ።

6 ዶረትዳይሳታ ግዶፈ ይሁዳ ኮቸ ግድዳ ዳነላ፥ አናና፥ ምሳኤላነ አዛራ ጌተተይሳት ደኦሶና።