መተ ማፃፋ 36

ኤሳዌነ እያ የለተ

1 ኤዶመ ጌተትያ ኤሳዌ የለተይ ሀይሳፈ ካልድ ፃፈትዳይሳ፤ 2 ኤሳዌይ ካናነ ቢታ ማጫ ናይታፐ ባዉ ማቾታ ኤክስ። ኤንትካ ህተ አድያ ኤሎና ናእዉ አዶ፥ ህወ አድያ ፅባኦና ናአይ አን የልዳ ኦሆልባሞነ 3 እስማኤላ ናእዉ፥ ነባዮታ ምችዉ ባሰማቶ። 4 አዳ ኤሳዌስ ኤልፋዛ የላሱ። ባሰማታ ራጉኤላ የላሱ። 5 ኦሆልባማ የኡሳ፥ ያእላማነ ቆረ የላሱ። ካናነ ቢታን ኤሳዌስ የለትዳ አደ ናይት ሀይሳታ።

6 ኤሳዌይ ባ ማቸታ፥ ባ አደ ናይታነ ማጫ ናይታ፥ ባ ሶ አሳ ኡባ፥ ባ ሚዛነ ባ ሀራ መሄ ኡባ ካናነ ቢታን ሃርዳባ ኡባ ኤክድ ባ እሻ ያይቆባፐ ሃክድ ሀራ ቢታ ብስ። 7 ኤንታ ሻሎይ ዳርዳ ግሾ፥ ኤንቲ እስፈ ዳናዉ ዳንዳእቦኮና። ኤንታ መሄይ ዳርዳ ግሾ፥ ኤንቲ ደእያ ቢታይ ኤንታ ናምኣስ ግዶና እፅስ።

8 ያንን፥ ኤዶመ ጌተትያ ኤሳዌይ ደረይ ዳርያ ሳይረ ቢታን ደእስ።

9 ደረይ ዳርያ ሳይረ ቢታን ደእዳ ኤዶመታ ማይዛ ኤሳዌ የለተይ ሀይሳፈ ካልድ ፃፈትዳይሳ፤ 10 ኤሳዌ አደ ናይታ ሱንይ፥ ኤሳዌ ማቸ አድ ናኣ ኤልፋዛነ ኤሳዌ ማቸ ባሰማት ናአ ራጉኤላ።

11 ኤልፋዛ ናይት ተማና፥ ኦማራ፥ ፃፋ፥ ጋእታማነ ቀነዛ። 12 ቃስ ትምናአ ኤሳዌ ናአ ኤልፋዛስ አይለ። እያ ኤልፋዛስ አማለቃ የላሱ። ሀይሳቲ ኤሳዌ ማቸ አድ ናኣ ናይታ።

13 ራጉኤላ አደ ናይት ናሃታ፥ ዛራ፥ ሻማነ ሚዛ። ሀይሳቲ ኤሳዌ ማቸ ባሰማት ናአ ናይታ።

14 ፅባኦና ናአይ አን የልዳ ኦሆልባማ አደ ናይት ሀይሳታ፤ ኤንትካ የኡሳ፥ ያእላማነ ቆረ።

15 ኤሳዌ የለታ ሀላቃት ሀይሳፈ ካልድ ፃፈትዳይሳታ፤ ኤሳዌስ ባይራ ናአ ኤልፋዛ አደ ናይት፥ ሀላቃ ግድዳይሳት ተማና፥ ኦማራ፥ ፃፋ፥ ቃናዛ፥ 16 ቆረ፥ ጋእታማነ አማለቃ፤ ኤዶመ ቢታን ኤልፋዝ የልዳ ሀላቃት ሀይሳታ፤ ሄሳት ኡባይ አድ ናኣ ናይታ።

17 ኤሳዌ ናአ ራጉኤላ አደ ናይት፥ ሀላቃ ግድዳይሳት ናሃታ፥ ዛራሀ፥ ሻማነ ሚዛ፤ ኤዶመ ቢታን ራጉኤል የልዳ ሀላቃት ሀይሳታ፤ ኤንቲ ኤሳዌ ማቸ ባሰማት ናአ ናይታ።

18 ኤሳዌ ማቸ ኦሆልባም አደ ናይት፥ ሀላቃ ግድዳይሳት የኡሳ፥ ያእላማነ ቆረ፤ ኤንቲ አና ናኤ፥ ኤሳዌ ማቸ ኦሆልባምፐ የለትዳ ሀላቃታ።

19 ኤዶመ ጌተትያ ኤሳዌ አደ ናይት ሀይሳታ፤ ኤንታ ሀላቃትካ ሀይሳታ።

ሳይረ የለተ

20 ኤዶመ ቢታን ደእያ ሆራ ሳይረ አደ ናይት ሀይሳፈ ካልድ ፃፈትዳይሳታ፤ ሄሳትካ ሎፃና፥ ሾባላ፥ ፅባኦና፥ አና፥ 21 ድሶና፥ ኤፀራነ ድሳና፤ ሄሳት፥ ኤዶመ ቢታን ደእያ ሳይረ አደ ናይት፥ ሆራታ ሀላቃታ።

22 ሎፃና አደ ናይት ሆራነ ሄማማ፤ ሎፃና ምችያ ትምናኦ።

23 ሶባላ አደ ናይት አልዋ፥ ማናሆታ፥ ኤባላ፥ ስፋነ ኦናማ።

24 ፅባኦና አደ ናይት አያነ አና፤ ሀይስ አን መላ ቢታን ባ አዋ ፅባኦና ሀረታ ሄምሸ ብልቦ ሃ ፑልቱዋ ደምዳይሳ።

25 አና ናአይ ድሶና፤ ናእያ ቃስ ኦሆልባሞ።

26 ድሶና አደ ናይት ሄምዳና፥ ኤስባና፥ ይትራናነ ካራና።

27 ኤፀራ አደ ናይት ብልሃና፥ ዛዋናነ አቃና።

28 ድሳና አደ ናይት ኡፃነ አራና።

29 ሆራታ ሀላቃት ሀይሳታ፤ ሎፃና፥ ሾባላ፥ ፅባኦና፥ አና፥ 30 ድሶና፥ ኤፀራነ ድሳና። ሀይሳቲ ሳይረ ቢታን ባንታ ያራን ያራን ሻከትዳ ሆራታ ሀላቃታ።

ኤዶመ አይሰይሳታ

31 እስራኤለን ካዎይ ካዎታናፐ ካሰ ኤዶመ ቢታን ካዎትዳ ካዎት ሀይሳፈ ካልድ ፃፈትዳይሳታ።

32 ብኦራ ናአይ ባላቅ ኤዶመን ካዎትስ፤ እያ ካታማ ሱንይ ድናባ ጌተቴስ።

33 ባላቅ ሀይቅን፥ ባሶራ አደይ ዛራ ናአይ ዮባብ እያ በሳን ካዎትስ።

34 ዮባብ ሀይቅን፥ ተማና አደይ ሁሳም ካዎትስ።

35 ሁሳም ሀይቅን፥ ባዳዳ ናአይ ሀዳድ፥ ምድያመታ ሞአበ ቢታን ፆንዳይስ ካዎትስ፤ እያ ካታማ ሱንይ አዊታ ጌተትስ።

36 ሀዳድ ሀይቅን፥ ማስሬቃ አደይ ሳምል ካዎትስ።

37 ሳምል ሀይቅን፥ ሻፋ ማታን ደእያ ረሆቦታ አደይ ሳኡሊ ካዎትስ።

38 ሳኡሊ ሀይቅን፥ አክቦራ ናአይ ባአል-ሀናን ካዎትስ።

39 አክቦራ ናአ ባአል-ሀናን ሀይቅን፥ ሀዳድ ካዎትስ፤ እያ ካታማ ሱንይ ፓኡ ጌተቴስ፤ እያ ማችያ መዛሃባ ናእያ ማፅሬዳ የልዳ ማሄፃቤሎ ጌተታዉሱ።

40 ኤሳዌ የለታ ሀላቃት ባንታ ያራን ያራን፥ ባንታ በሳን በሳን ባንታ ሱንን ሱንን ሀይሳታ፤ ትምና፥ አልዋ፥ የተታ፥ 41 ኦሆልባማ፥ ኤላ፥ ፕኖና፥ 42 ቃናዛ፥ ተማና፥ ምብሳራ፥ 43 ማግደላነ እራማ። ሀይሳቲ ባንታ አይስያ ቢታን፥ ባንታ ደእያሱዋን ደእያሱዋን ኤዶመ ሀላቃታ። ሀይስ ኤሳዌይ፥ ኤዶመታ አዋ።