Mateus 15

ኦይዱ ሙኩሉ አሳ

32 የሱሲ ባ ታማረታ ባኮ ፄግድ፥ "ሀ ዳሮ አሳይ ታራ ሄ ጋላስ ጋምእዳ ግሾነ ኤንታዉ ሀእ ምያባይ ባይና ግሾ ታኒ ኤንታዉ ቃታይስ። ኤንቲ ኦገን ዳቡርድ ኩንዶና መላ አይኮ ሙዞና ኤንታ መላ የዳናዉ ኮይከ" ያግስ።

33 እያ ታማረት ዛሪድ፥ "ኑኒ ሀ ባዙዋን ሀይሳ ኬና አሳስ ግድያ ካ አዉፐ ደማኔ?" ያግዶሶና።

34 የሱሲ ኤንታኮ፥ "ህንተዉ አፑን ኡይ ደኢ?" ያግድ ኦይችስ።

ኤንቲ ዛሪድ፥ "ላፑን ኡይነ ላፋ ሞሎታፐ ጉ ደኤስ" ያግዶሶና።

35 የሱሲ ደርያ ሳአን ኡትተ ያግድ ኪትስ። 36 ሄሳፈ ጉየ፥ ሄ ላፑን ኡይነ ሞሉዋ ኤክድ ፆሳ ጋላትስ። መንድ ባ ታማረታስ እሚስ። እያ ታማረት ዳሮ አሳስ ግሽዶሶና።

37 አሳ ኡባይ ምድ ካልዶሶና። እያ ታማረት፥ ምሽን አትዳ ቲፍያ ላፑን ግታ ጋይታ ኩመ ደንዶሶና። 38 ምዳ አሳይ ማጫስነ ናአ ፓይዶና አደ ፃላል ኦይዱ ሙኩሉ።