1 फिर मेखे मोजन का लिये लकडी दि गय, अरु कोय ने बोल्यो, "वुठ का परमेश्वर कि मन्‍दिर अरु वेदी, अरु मंदीर मे आराधना उ करण आलो कि गिनती करी ले. 2 पन मन्‍दिर का बाहेर को अंगन छोडी दे; वो खे मत मोजे क्युकि वु गैरयहूदिहोन खे दियो गयोस हइ, अरु वे पवित्र नगर खे बेचालीस महीना तक खुघो दिह्ये. 3 अरु मी अपनो दो गवा खे खुल्ली छोडी दे एक हजार दो सौव आठ दिन तक भविष्यवाणी करी वे उनका बोरा का कपडा होड्या हुया जे खे दुख प्रद्रषीत करता था."

4 ये वे ही जैतून का दो झाड अरु दो ओडा हइ जो जमीन को प्रभु का जसौ खडो ऱ्हेस हइ. 5 अरु अगर कोय वुनखे दुख पहुचानो चाहस हइ, ते दुशमन मुडा मे से अंगार नीकालीखे उनका दुसरा खे राख करस हइ. अरु अगर कोय वुनखे कोय दुख पहुचानो चाह्ये का ते जरुरत या रीति से मारी डाल्यो जाह्ये. 6 वुनखे अधिकार हइ कि बद्दल खे बन्द कऱ्हे, कि वुनकी भविष्यव्दाणी का दिन मे झरना को पाणी नी गिऱ्ये. अरु वुन खडा सब पाणी का झरना पर अधीकार हइ कि वोखे खुन बनाह्ये का अरु जब जब चाह्ये तब तब जमीन पर हर तरीका कि विपत्ती लाह्ये.

7 जब वे अपनी गवय दि चुक्या, ते यथाह जनवर कुण्ड मे से निकाले, वोने वाद विवाद करीखे वुनखे जितन का अरु वुनखे मारी डालह्ये. 8 वुनकि लास वा बडा नगर का चौक मे पड्या ऱ्हियेका जो आत्मा का रुप से सदोम अरु मीस्र बोल्यो जास हइ, जहा वुनको प्रभु भी क्रुस पर चडयो गयो थो. 9 सब दुन्या अरु भाषाहोन अरु जातहोन का दुन्या वोकि लाश खे साडे तिन दिन तक देखते ऱ्हियेका अरु वोकि लाश मरगट मे रखन नी देन. 10 जमीन पर र्‍हेन आला खुशी अरु मगम हुये खे अरु एक दुसरा का नजिक दान भेज्यो, क्युकि ये दो भविष्यव्दक्ताहोनने जमीन का ऱ्हेनवाला खे सतायो थो. 11 पन साडे तिन दिन का बाद परमेश्वर का तरप से जिवन कि सास वोमे घुसिगो, अरु वे अपना पाय का वुपर खडो हुय गयो, अरु वुनका देखनआला पर बडो डर हुय गो. 12 जब वुन खे बद्दल से एक बडो आवाज आयो "ह्या उपर!" ह्या सुनीखे वे बद्दल पर चेडी खे अपना दुसरा खे देखते देखते स्वर्ग पर चडयो गयो. 13 फिर वायच टेम एक बडो भुकम्प हुयो, अरु नगर को दसवो भाग गिरी गयो. अरु वु भुकम्प से सात हजार दुन्या मरी गया, अरु बाकी डरी गया अरु स्वर्ग को परमेश्वर कि महिमा करी.

14 दुसरो विपत्ती बिती चुक्यो; देख्यो, तिसरो विपत्ती झल्दी आनवालो हइ.

15 जब सातवा दूतने पिपडी फुकी, ते स्वर्ग मे या बारेमे खे बडो राज हमारो प्रभु को "अरु वोकि मसीह को हुय गयो, अरु व्हा पिडमपिडि से राज कर्‍हे." 16 तब चोबीस सौ बुजरुक जो परमेश्वर का सामने अपना अपना राजगद्दी तरप बठ्या था का मुडा का पर गिरीखे परमेश्वर खे प्रणाम कऱ्यो. 17 यो बोलन लग्यो

"हे सर्वशक्तीमान प्रभु परमेश्वर,

जो हइ अरु जो थो,

हम तरो धन्यवाद करस

हइ की तो ने अपनो बडा सामर्थ्य काम मे लयखे राज करणो सुरु कऱ्योस हइ.

18 जातहोन ने घृस्सा कऱ्यो,पर तरो घुस्सा अय पड्यो,

अरु व्हा टेम अय पहुच्यो हइ कि मर्‍या के दुसरो कर्‍यो जाह्येका अरु तरो सेवक भविष्यव्दक्ताहोन

अरु पवित्र दुन्या खे

अरु वे छोटा बडा खे जो तरा नाम से डरस हइ

बदली दियो जाह्यु

अरु जमीन खे बिगाडनआलो खतम कर्‍यो जाह्ये."

19 तब परमेश्वर कि मन्‍दिर स्वर्ग मे हइ,व्हा खोल्यो गयो,अरु वोकि मन्‍दिर मे उनकी वाचा को संदूक दिखाय दियो; बिजलीहोन अरु आवाज अरु गर्जन अरु भुकम्प हुयो अरु बडी गार गिऱ्यो.