Marcos 7

O pačajipe e džuvljako savi naj Jevrejka

24 Pale gova o Isus đelo gothar. Avilo ane krajura pašo Tir [thaj o Sidon], gothe đelo thaj bešlo ane jekh ćher. Ni manglja khoni te džanol, al naštine te garadol. 25 Nesavi džuvli sava sasa čhejori thaj ane savi sasa o bilačho duxo, šunda e Isusese thaj sigate avili thaj peli mujesa premali phuv, angle lese pingre. 26 A goja džuvli sasa abandžika, bijandi andi Sirofinija thaj molisada le te ikalol e bilačhe duxo andari laći čhejori.

27 O Isus vaćarda laće: "Mukh angleder te čaljon e čhavore, golese so naj šukar te lol pe o mangro tare čhave thaj te čhudol pe e džuklorenđe."

28 A voj vaćarda lese: "Va, Gospode, i e džuklore xan talo astali e troške so peren e čhavorenđe."

29 Tegani o Isus vaćarda laće: "Zbog kava so vaćardan šaj dža ćhere. Iklilo o bilačho duxo andari ći čhejori."

30 Thaj kana avili ćhere, dikhlja kaj laći čhejori pašljol ko than e pašljimaso thaj kaj iklilo o bilačho duxo latar.