निर्गमन 17

चट्टान दा टु नीर

1 ✝ 17:1 गिनती 12:14 बाक इस्त्राएलीगोळ्द सप्पा मंडली सीन हेसुर इन आळी दा टु होळ्त, अदिक यहोवा अन आग्या अन अनुसार कूच माळकु रपीदीम दा तान ड्यारागोळ हाकदुर; अदिक अल आ लॉकुरी कुडव नीर सिकीदील. 2 ✝17:2 गिनती 20:3; व्यवस्थाविवरण 6:16इदुरसाटी आंदुर मूसा से वाद विवाद माळकु अनली हतदुर, "नामी कुडव नीर कोळ." मूसा आंदुर से अंदुन, "नीव येती नान से वाद विवाद माळतीर? अदिक यहोवा अन परीक्षा येती माळतीर?" 3 ✝17:3 निर्गमन 14:12बाक अल लॉकुरी निरळ्क हत्त, आग आंदुर ईद अंदकु मूसा मा कुळकुळ माळली हतदुर, "नी नामी चिकोर-चिणगेर अदिक जनावरगोळ समेत निरळ्क देल कोन्नोर साटी मिस्त्र दा टु येती तनकोंड्या?" 4 आग मूसा यहोवा अन दोहाई कोट्टुन, अदिक अंदुन, "ई लॉकुर सांगुळ ना येन माळाईन? ई सब मुंदुर नान मा पथराव माळली तयार आर." 5 यहोवा मूसा से अंदुन, "इस्त्राएल इन स्याणा लॉकुर दा टु थ्वाळासा लॉकुरी तान सांगुळ हुडु कोम; अदिक याता कोल देल नी नील गांगा दा बळदीद, अदरी तान कय दा हुडुकु लॉकुर मुंद नळु. 6 नोळ, ना नीन मुंद नळुत होरेब पहाळ इन ऊंद चट्टान मा निदुरकु ईराईन; अदिक नी आ चट्टान मा बडेत, आग अदुर दा टु नीर होट्टीत, यदुर देल ई लॉकुर कुडुल." आग मूसा इस्त्राएल इन स्याणा लॉकुर्द नोळ्त हांगा माळदुन. 7 अदिक मूसा आ जागा अन हेसुर *17:7 परखुसोदमस्सा अदिक *17:7 झगळामरीबा ईटदुन, यतिकी इस्त्राएलीगोळ अल वाद विवाद माळीदुर, अदिक यहोवा अन परीक्षा ईद अंदकु माळदुर, "येन यहोवा नाम बीच दा आन या ईला?"

अमालेकिगोळ सांगुळ युद्ध

8 ✝ 17:8 १ शमूएल 15:2 आग अमालेकिगोळ जाती बंदकु रपीदीम दा इस्त्राएलीगोळ से लळाई माळली हतदुर. 9 आग मूसा यहोशू से अंदुन, "नाम साटी हापाळ गणसुर इक निवळुसकु छाट्स कोम, अदिक नाळ व्हार्या होगकु अमालेकिगोळ से लळाई माळ; अदिक ना नाळ परमेश्वर उन कोल कय दा हुडुकु पहाळी इन चोटी मा निदुरकु ईराईन." 10 जसा मूसा अन ई आग्या अन अनुसार यहोशू अमालेकिगोळ से लळाई माळली हतदुन; अदिक मूसा, हारून, अदिक हूर पहाळ इन चोटी मा येरेदुर. 11 ✝17:11 भजन संहिता 44:6; याकूब 5:16याग याग मूसा तान कय नेगुकु ईटतोगोन आग आग इस्त्राएल जीत हासिल माळतोगोद; लेकीन याग याग आव अदरी ल्यालमा माळतोगोन आग आग अमालेक प्रबल आगतोगोद. 12 लेकीन याग मूसा नव कयगोळ तुम्मेदव, आग आंदुर ऊंद कल्ल हुडुकु मूसा अन ल्यालमा ईट बुट्टुर, अदिक आव अदुर मा कुर्तोदुन, अदिक हारून अदिक हूर ऊंद ऊंद कय हुडुकु संभाळ्सकु ईटदुर; अदिक आऊन कयगोळ द्यावमुळका ताका स्थिर ईत्तव. 13 अदिक यहोशू तान लॉकुर समेत अमालेकिगोळी तलवार इन बल देल हारूस बुट्टुन.

14 ✝ 17:14 व्यवस्थाविवरण 25:19; १ शमूएल 15:2 आग यहोवा मूसा से अंदुन, "ईद मात याद इक साटी किताब दा लिख्स कोम अदिक यहोशू उक केळ्सबुळ कि ना आकाश इन ल्यालमा टु अमालेक इन याद चिन्ह भी पुरा रीति देल मिटुस बुळाईन." 15 आग मूसा ऊंद वेदी तयार माळकु अदुर्द हेसुर यहोवा निस्सी*17:15 यहोवा नान झंडा हुन ईटदुन; 16 अदिक आव अंदुन, "यहोवा प्रभु उन झंडा हुळकु ईरी. कि यहोवा अमालेकिगोळ से पिढ़ी टु पिढ़ी ताका लळाई माळतेला ईत्‍तान."