10 "बबूल इन हुळ्ली इन ऊंद सन्दुक माळकु आगुल; अदुर लंबाई ढाई कय, अदिक चौळाई अदिक ऊचाई दिळ दिळ कय ईरूल. 11 अदिक अदरी शुद्ध व्हान्ना देल बुळ्क अदिक व्हार्या मळुसेतीर, अदिक सन्दुक इन म्याकुच नाकु दी व्हान्ना अन पट्टी बनुसेतीर. 12 अदिक व्हान्ना अन नाक कळागोळ घळुसकु अदुर नाकु कालगोळ मा, ऊंद दी येढ्ढ कळा अदिक दुसरा दी भी येढ्ढ कळा हचुसेतीर. 13 बाक बबूल इन हुळ्ली इन कोलगोळ माळसुसेतीर, अदिक अवरी भी व्हान्ना देल मळुसेतीर. 14 अदिक कोलगोळी सन्दुक इन येढ्ढु दीकळव कळागोळ दा हाकेतीर, यदुर देल अऊर शक्ति देल सन्दुक नेगुकु आगुल. 15 अव कोलगोळ सन्दुक इन कळागोळ दा हतकु ईरूल; अदिक अदुर देल अलग माळकु आगबाळुल. 16 अदिक जो गवाही इन चिट्टी ना नीनी कोळाईन अदरी अदा सन्दुक दा ईटेत."

17 ✝ 25:17 इब्रानिगोळ 9:5 "बाक शुद्ध व्हान्ना अन ऊंद प्रायश्चित इन झाकनी माळसुसेतीर, अदुर्द लंबाई ढाई कय, अदिक चौळाई दिळ कय ईरूल. 18 अदिक व्हान्ना मळुसकु येढ्ढ करूब माळसुसकु प्रायश्चित इन झाकनी इन येढ्ढु क्वाना मा हचुसेत. 19 ऊंद करूब ऊंद क्वाना मा अदिक दुसरा करूब*25:19 पंखधारी पशु दुसरा क्वाना मा हचुसेत; अदिक करूबगोळी अदिक प्रायश्चित इन झाकनी इक ऊंदा तुकळा देल माळकु अदुर्द येढ्ढु क्वाना मा हचुसेत. 20 आ करूबगोळ्द पंख म्याकुच टु हिंग फैलुस्कु बनसुल कि प्रायश्चित इन झाकनी अऊर देल मुचकु ईरूल, अदिक अऊर मार्रगोळ आमने-सामने अदिक प्रायश्चित इन झाकनी दी ईरूल. 21 अदिक प्रायश्चित इन झाकनी इक सन्दुक इन म्याकुच हचुसेत; अदिक जो गवाही इन चिट्टी ना नीनी कोळाईन अदरी सन्दुक इन बुळ्क ईटेत."