यहोशू 20

शरणार्थीगोळ्द शहर

1 ✝ 20:1 व्यवस्थाविवरण 4:41-43; 19:1-13 बाक यहोवा यहोशू से अंदुन, 2 इस्त्राएलगोळ इक ईद अन, "ना मूसा अन द्वारा नीम से शरण नगरगोळ्द जो चर्चा माळीदिन अदुर अनुसार आंदरी ठहरूस बुळ. 3 यार से जो यातोदारा भुल देल बिना जान्सकु यारीकारा कोंद बुट्टार, आव आंदुर दा टु येल्यारा भी ओळुल; इदुरसाटी अव नगर रक्ता अन बदला ताकोमावाळेर से ऊळोरसाटी नीम शरणस्थान ठहरूसुल."

4 "आ मंळसा ईद माळ पायजे, याग आव ओळतान अदिक आ नगरगोळ दा टु यातोदारा ऊंद दा पहुचुसतान रा आऊक नगर द्वार मा रोक्स पायजे अदिक नगर इन स्याणा मंळसागोळी हेळ पायजे कि येन आग्याद, आग नगर प्रमुख आऊक नगर दा प्रवेश माळगोळ सकतार, आंदुर आऊक तान बीच दा ईरोद जागा कोट्टार. 5 अदिक अगर खून इन बदला ताकोमावाळा आऊन पीछा माळुल, रा आंदुर ईद जान्सकु कि आव तान मान्ना हातीगोळोव बीना जान्सकु अदिक पयले आऊन से बीना दुश्मनी ईटकु कोंदुन, आ खूनी इक आऊन कय कोळबाळी. 6 अदिक यागासताका आव मंडली इन मुंद न्याय इन साटी निदरालुन अदिक यागासताका आ दिन इन महायाजक सोतोगालुन, आगासताका आव अदा नगर दा ईरूल; अदुर बाद्दा आव खुनी तान नगर इक यदुर देल आव वोळकु बंदान आव तान मान्या बाक होग सकतान."

7 अत: आंदुर नप्ताली इन पहाळी द्याश दा गलील इन केदेश इक, अदिक एप्रैम इन पहाळी द्याश दा शकेम इक, अदिक यहूदा अन पहाळी द्याश दा, किर्यतर्बा अक, जो हेब्रोन भी कहलुसतद अदिक शरण नगर अंदकु आगतद. 8 अदिक यरीहो अन हात्तीगोळोद यरदन इन पूर्व इन दी आंदुर रूबेन उन गोत्र अन भाग दा बेसेर नगर इक, जो आळी दा चौरस जमीन मा बसुस्कु आद अदिक गाद इन गोत्र भाग दा गिलाद इन रामोत इक, अदिक मनश्शे अन गोत्र अन भाग दा बाशान इन गोलान नगर इक ठहरूसदुन. 9 सप्पा इस्त्राएलगोळ साटी अदिक आंदुर न्याड्या ईरावाळेर परदेशीगोळ साटी भी जो नगर ईद मनसा देल ठहरूसकु आदुर कि जो यावारा यातोदारा प्राणी इक भुल देल कोंदान आव आंदुर दा टु यारदारा दा ओळेगुल, अदिक यागासताका न्याय इन साटी मंडली इन मुंद निदरालुन आगासताका रक्ता अन बदला ताकोमावाळा आऊक कोन्न सकालुन अव ईवा नगरगोळ हूँ.