14 "इदुरसाटी ईग यहोवा अन अंज्क मान्सकु आऊन स्यावा खराई अदिक सच्चाई देल माळी; अदिक याता द्यावगोळ्द स्यावा नीम पुर्वज मेसोपोटामिया अदिक मिस्त्र दा माळतोगोर, आंदरी दुर माळकु यहोवा अन स्यावा माळी. 15 अदिक अगर यहोवा अन स्यावा माळोद नीमी बुरा हततद, रा ईंद नीवळुस बुळी कि नीव यार्द स्यावा माळीर, बाक आ द्यावगोळ्द यार्द स्यावा नीम पुर्वज मेसोपोटामिया24:15 मेसोपोटामिया महानदी दा माळतोगोर, अदिक बाक एमोरीगोळ द्यावगोळ्द स्यावा माळी यारव द्याश दा नीव ईरतीर; लेकीन ना रा तान घराना अन सांगुळ यहोवा अन अच स्यावा हमेशा माळतेला ईराईन."
22 यहोशू लॉकुर से अंदुन, "नीव खुद अच तान गवाह हूईर कि नीव यहोवा अन स्यावा माळोद नीवळुसदीर." आंदुर अंदुर, "हव, नाव साक्षी आयेव." 25 आग यहोशू अदा दिशी आ लॉकुर से वादा माळसुसदुन, अदिक शकेम दा आंदुर साटी विधी अदिक नियम ठहरूदुन.
26 ईद सप्पा वृतांत यहोशू परमेश्वर उन व्यवस्था अन किताब दा लिख्स बुट्टुन; अदिक ऊंद धोळ्द कल्ल नीवळुसकु अल ऊंद बांज मार्र इन हाती नीदरूसदुन, जो यहोवा अन पवित्र जागा दा ईरोद. 27 आग यहोशू सप्पा लॉकुर से अंदुन, "केळी, ईद कल्ल नाम लॉकुर्द गवाह ईत्तीत, यतिकी यास वचन यहोवा नाम से अंदान अवरी ईद केळ्याद; इदुरसाटी ईद नीम्द गवाह ईत्तीत, हिंग आग बाळुल कि नीव तान परमेश्वर से मुकुरूसीर."