Aepeso 5

25 Ʉnyenye agoha, alowi akɨma anyu, anga ʉ Kilisito nɨɨza ʉaloilwe antʉ nɨamʉhʉɨɨe ʉng’wenso wɨkipumya washe kʉnsokoao. 26 Aɨʉkule wahume kʉatenda agombeke kʉng’wi Itunda kʉ lʉkani lakwe, naɨwakondya kʉelisa kʉoja na mazɨ akʉbadisilya, 27 wahume kʉlija antʉ nɨamʉhʉɨɨe ʉ Kilisito nɨakomilwe kʉnsoko ang’wi Itunda hangɨ nɨagila igazo lɨhi ang’wɨ kɨntʉ kɨhi nɨkɨbɨ mʉng’wakwe. 28 Itɨ gwa agoha atakɨwe alowe akɨmaao anga mɨɨlɨao. Mʉgoha wɨhi nʉmʉloilwe mʉkɨma wakwe wilolwa ʉng’wenso. 29 Kʉtilɨ mʉntʉ wɨhi nʉʉbɨpɨwe ʉmʉɨlɨ nʉwakwe ng’wenso, ingɨ wɨʉlɨsa nʉkʉʉsʉnja, anga ʉ Kilisito wɨalɨsa nʉkʉasʉnja kʉ antʉ nɨamʉhʉɨɨe ʉng’wenso.