5 yaxy umennen midden n ninwa s dwiy n rebbiy, aḏ ƹelqen uẓwum. aḏ ireḍḍen ṣireḍ n leḥzen lkulhum imeqqaren aḏ imeckunen.

6 mniyn yesla lmelek n ninwa ayuh n dwiy, yekker s nnaj lƹercis yekkes lbasis n lḥukem, aḏ yireḍ ṣireḍ n leḥzen, aḏ ygeƹmez af iγeḍ. 7 aḏ yuwayasen aberḥen g ninwa lkul:

«yuweyawem lmelk aḏ midden lliy nnaḍḍen siyes. yexs azumen midden aḏ zweyil. tulli aḏ tfwunesin wiferrednec aḏ wisesnec aman. 8 aḏ yexs midden aḏ zwayel lkul aḍirden ṣireḍ n leḥzen. we ajehan y rebbiy, we abeṭlen igga n ccer aḏ ḍḍulem. 9 belekci rebbiy wiγenytegc lliy yuwa g uγeccecis aḏ winetmettic.»

10 mniyn yezra rebbiy matta ggen aḏ mammeḵ beṭlen ccer lliy wsiyn tteggen diyes ybeṭṭel aḏ wisenyeggic ccer lliy yuwa tasentiḏyeg.