Provérbios 1

20 প্রজ্ঞাই পথত চিঞৰি ক্রন্দন কৰে,

তেওঁ মুকলি ঠাইত উচ্চস্বৰে কথা কয়।

21 তেওঁ কোলাহলপূৰ্ণ ঘাই পথত ক্রন্দন কৰে,

নগৰৰ প্রবেশ দুৱাৰত তেওঁ কয়,

22 "হে প্রজ্ঞা নথকা লোকসকল, কিমান দিন তোমালোকে নুবুজা কথাবোৰ ভাল পাই থাকিবা?

হে নিন্দকসকল কিমান দিন তোমালোকে নিন্দা কৰি সন্তুষ্ট হবা?

আৰু হে অজ্ঞানীসকল কিমান দিন জ্ঞানক ঘিণ কৰিবা?

23 মোৰ অনুযোগলৈ মনোযোগ দিয়া;

মই তোমালোকৰ ওপৰত মোৰ চিন্তাধাৰা বাকি দিম,

মই মোৰ কথা তোমালোকক জানিবলৈ দিম।