नीतिसूत्रे 6:1-5

Em outras traduções

1. OMRCV Marathi Contemporary Version

   1 माझ्या मुला, जर तू तुझ्या शेजार्‍याला जामीन राहिला आहेस,

   जर अनोळखी व्यक्तीचे कर्ज फेडण्यास तू वचनबद्ध झालास,

   2 तर तू जे काही बोललास, त्यामुळे तू जाळ्यात सापडला आहेस,

   तुझ्या मुखातील वचनाने तू स्वतःला पाशात गुंतवून घेतले आहेस.

   3 म्हणून माझ्या मुला, स्वतःला सोडवून घेण्यासाठी तू असे कर,

   कारण तू तुझ्या शेजार्‍याच्या हाती सापडला आहेस:

   तर आता स्वतःला विनम्र करून त्याच्याकडे जा,

   आणि तुझ्या शेजार्‍याची झोप उडवून टाक!

   4 तुझ्या डोळ्यांना झोप येऊ देऊ नकोस,

   तुझ्या पापण्यास डुलक्या घेऊ नयेत.

   5 शिकार्‍याच्या हातातून निसटलेल्या हरिणासारखे,

   पारध्याच्या जाळ्यातून सुटलेल्या पक्ष्याप्रमाणे तू स्वतःला मुक्त कर.