12 ஆனாலும் ஞானம் கண்டெடுக்கப்படுவது எங்கே?

புத்தி விளைகிற இடம் எது?

13 அதின் விலை மனிதனுக்குத் தெரியாது;

அது மக்கள் வாழ்கிற தேசத்திலே கிடைக்கிறதில்லை.

14 ஆழமானது: அது என்னிடத்தில் இல்லையென்கிறது;

சமுத்திரமானதும், அது என்னிடத்தில் இல்லையென்கிறது.

15 அதற்கு ஈடாகத் தங்கத்தைக் கொடுக்கவும்,

அதற்குக் கிரயமாக வெள்ளியை நிறுக்கவும் முடியாது.

16 ஓப்பீரின் தங்கமும், விலையேறப்பெற்ற கோமேதகமும்,

இந்திரநீலக்கல்லும் அதற்கு ஈடல்ல.

17 பொன்னும் பளிங்கும் அதற்கு ஒப்பல்ல;

பசும்பொன் ஆபரணங்களுக்கு அதை மாற்றமுடியாது.

18 பவளத்தையும் ஸ்படிகத்தையும் அத்துடன் ஒப்பிட்டுப் பேசக்கூடாது;

முத்துகளைவிட ஞானத்தின் விலை உயர்ந்தது.

19 எத்தியோப்பியாவின் புஷ்பராகம் அதற்கு நிகரல்ல;

பசும்பொன்னும் அதற்குச் சரியல்ல.

20 இப்படியிருக்க, ஞானம் எங்கேயிருந்து வரும்;

புத்தி தங்கும் இடம் எங்கே?

21 அது உயிருள்ள அனைவருடைய கண்களுக்கும் ஒளித்தும்,

ஆகாயத்துப் பறவைகளுக்கு மறைந்தும் இருக்கிறது.

22 நாசமும்*28:22அப்பொல்லியோன் , மரணமும், நாங்கள் எங்கள் காதுகளினாலேமாத்திரம் அதின் கீர்த்தியைக் கேட்டோம் என்கிறது.