Provérbios 2

ஞானத்தின் நற்பலன்கள்

1 என் மகனே, நீ உன்னுடைய செவியை ஞானத்திற்குச் சாய்த்து,

உன்னுடைய இருதயத்தைப் புத்திக்கு அமையச்செய்வதற்காக,

2 நீ என்னுடைய வார்த்தைகளை ஏற்றுக்கொண்டு,

என்னுடைய கட்டளைகளை உன்னிடத்தில் பத்திரப்படுத்தி,

3 ஞானத்தை வா என்று கூப்பிட்டு, புத்தியைச் சத்தமிட்டு அழைத்து,

4 அதை வெள்ளியைப்போல் நாடி,

புதையல்களைத் தேடுகிறதுபோல் தேடினால்,

5 அப்பொழுது யெகோவாவுக்குப் பயப்படுதல் இன்னதென்று நீ உணர்ந்து,

தேவனை அறியும் அறிவைக் கண்டடைவாய்.

6 யெகோவா ஞானத்தைத் தருகிறார்;

அவருடைய வாயிலிருந்து அறிவும் புத்தியும் வரும்.