நீதிமொழிகள் 31

13 ஆட்டு ரோமத்தையும் சணலையும் தேடி,

தன்னுடைய கைகளினால் உற்சாகத்தோடு வேலைசெய்கிறாள்.

14 அவள் வியாபாரக் கப்பல்களைப்போல இருக்கிறாள்;

தூரத்திலிருந்து தன்னுடைய உணவைக் கொண்டுவருகிறாள்.

15 இருட்டோடு எழுந்து தன்னுடைய வீட்டாருக்கு உணவுகொடுத்து,

தன்னுடைய வேலைக்காரிகளுக்குப் படியளக்கிறாள்.

16 ஒரு வயலை விசாரித்து அதை வாங்குகிறாள்;

தன்னுடைய கைகளின் சம்பாத்தியத்தினால் திராட்சைத்தோட்டத்தை நாட்டுகிறாள்.

17 தன்னை பெலத்தால் இடைக்கட்டிக்கொண்டு,

தன்னுடைய கைகளைப் பலப்படுத்துகிறாள்.

18 தன்னுடைய வியாபாரம் பயனுள்ளதென்று அறிந்திருக்கிறாள்;

இரவிலே அவளுடைய விளக்கு அணையாமல் இருக்கும்.

19 தன்னுடைய கைகளை இராட்டினத்தில் வைக்கிறாள்;

அவளுடைய விரல்கள் கதிரைப் பிடிக்கும்.

20 சிறுமையானவர்களுக்குத் தன்னுடைய கையைத் திறந்து,

ஏழைகளுக்குத் தன்னுடைய கரங்களை நீட்டுகிறாள்.