நீதிமொழிகள் 4

ஞானமே பிரதானம்

1 பிள்ளைகளே, நீங்கள் தகப்பன் போதகத்தைக் கேட்டு,

புத்தியை அடையும்படி கவனியுங்கள்.

2 நான் உங்களுக்கு நற்போதகத்தைத் தருகிறேன்;

என் உபதேசத்தை விடாதிருங்கள்.

3 நான் என்னுடைய தகப்பனுக்குப் பிரியமான மகனும்,

என்னுடைய தாய்க்கு மிகவும் அருமையான ஒரே பிள்ளையுமானவன்.

4 அவர் எனக்குப் போதித்துச் சொன்னது:

உன்னுடைய இருதயம் என்னுடைய வார்த்தைகளைக் காத்துக்கொள்வதாக;

என்னுடைய கட்டளைகளைக் கைக்கொள், அப்பொழுது பிழைப்பாய்.

5 ஞானத்தைச் சம்பாதி, புத்தியையும் சம்பாதி;

என்னுடைய வாயின் வார்த்தைகளை மறக்காமலும் விட்டு விலகாமலும் இரு.

6 அதை விடாதே, அது உன்னைத் தற்காக்கும்;

அதின்மேல் பிரியமாக இரு,

அது உன்னைக் காத்துக்கொள்ளும்.