3 ஒழுங்கீனமானவளின் உதடுகள் தேன்கூடுபோல் ஒழுகும்;

அவளுடைய வாய் எண்ணெயைவிட மிருதுவாக இருக்கும்.

4 அவளுடைய செயல்களின் முடிவோ எட்டியைப்போலக் கசப்பும்,

இருபுறமும் கூர்மையுள்ள பட்டயம்போல் கூர்மையுமாக இருக்கும்.

5 அவளுடைய காலடிகள் மரணத்திற்கு இறங்கும்;

அவளுடைய நடைகள் பாதாளத்தைப் பற்றிப்போகும்.

6 நீ வாழ்வின் வழியைச் சிந்தித்துக்கொள்ளாதபடி,

அவளுடைய நடைகள் மாறிமாறி அலையும்; அவைகளை அறியமுடியாது.