ଅଡ଼୍କୋନ୍ ଆବିସୟ ଆସନ୍ ଡିନ୍ନାନ୍ ଆଗନବ୍ରି
1 ଅଡ଼୍କୋନ୍ ଆସନ୍ ଡିନ୍ନାନ୍ ଆଗନବ୍ରି, ଆରି ରୁଆଙନ୍ ଆଜାୟ୍ତା ଅଡ଼୍କୋନ୍ ଆକାବ୍ବାଡ଼ା ଡକୋ । 2 କନୋଡନ୍ ଆ ଡିନ୍ନା ଡ ରନବୁ ଡିନ୍ନାନ୍; ଗନୁନ୍ ଆ ଡିନ୍ନା ଡ ପନୁୟନ୍ ଆ ଡିନ୍ନା ଡକୋ । 3 ରନବୁନ୍ ଆଡିନ୍ନା ଡ ମନବ୍ନଙନ୍ ଆଡିନ୍ନା; ପାଲ୍ପାଲନ୍ ଆଡିନ୍ନା ଡ ତନୁବନ୍ ଆଡିନ୍ନା ଡକୋ । 4 ୟେୟେଡାନ୍ ଆଡିନ୍ନା ଡ କନିଜନ୍ ଆଡିନ୍ନା; ଅନିଃୟମନ୍ ଆଡିନ୍ନା ଡ ତଙ୍ସେଙ୍ନେଇଙନ୍ ଆଡିନ୍ନା; 5 ଅରେଙନ୍ ଆସନେଡ୍ ଡିନ୍ନା ଡ ଅରେଙନ୍ ଆ ତନର୍ତୁମ୍ ଡିନ୍ନା; କନୋଣ୍ତୋ ଡିନ୍ନା ଡ କନୋଣ୍ତୋନ୍ ସିଲଡ୍ ଆନ୍ନାନେନ୍ ଆଡିନ୍ନା, 6 ସନାୟ୍ଡଙ୍ ଡିନ୍ନାନ୍ ଡ ଅନବ୍ସେଡ୍ ଡିନ୍ନାନ୍; ଡନକୋ ଡିନ୍ନା ଡ ଅନବ୍ସେଡ୍ ଡିନ୍ନାନ୍; 7 ପନେନ୍ ଆଡିନ୍ନା ଡ ବନଜନ୍ ଆଡିନ୍ନା; କଡ଼ିଙ୍ଲେ ଆଡକୋନେ ଡିନ୍ନା ଡ ବର୍ରନ୍ ଆଡକୋନେ ଡିନ୍ନା; 8 ଡନୁଙ୍ୟମ୍ ଡିନ୍ନାନ୍ ଡ ଏଡ଼ୁର୍ମଡ୍ ଡିନ୍ନାନ୍; ଜୁଜ୍ଜେନେନ୍ ଆଡିନ୍ନା ଡ ସନୟୁ ଡିନ୍ନାନ୍ ଡକୋ ।
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)