1 I muri i enei mea ka haereere a Ihu i Kariri: kahore hoki ia i pai ki te haereere i Huria, e rapu ana hoki nga Hurai kia whakamatea ia.
2 Na kua tata te hakari a nga Hurai, te hakari whare wharau.
3 Na ka mea ona teina ki a ia, Haere atu i konei, anga atu ki Huria, kia kite ai hoki au akonga i au mahi e mahi nei koe.
4 E kore hoki tetahi tangata e mea huna i tetahi mea, ki te whai ia kia ara tona ingoa. Ki te mea koe i enei mea, kia kite te ao i a koe.
5 Ko ona teina tonu hoki kihai i whakapono ki a ia.
6 Na ka mea a Ihu ki a ratou, Kahore ano kia taea noatia toku taima: ko to koutou taima ia kei nga wa katoa.
7 E kore e ahei kia kino te ao ki a koutou; engari ka kino ki ahau, no te mea e whakaaturia ana e ahau te kino o ana mahi.
8 Haere koutou ki tenei hakari: e kore ahau e haere wawe ki tenei hakari; kahore hoki toku taima kia ata rite noa.
9 A ka mutu tenei korero ana ki a ratou, ka noho tonu ia ki Kariri.
10 A, no ka riro ona teina ki te hakari, ka haere ano hoki ia, ehara i te mea whakakite nui, engari i tu a huna.
11 Heoi i rapu nga Hurai i a ia i te hakari, i mea, Kei hea ia?
12 He nui hoki te korero komuhumuhu mona i roto i te mano: ko etahi i mea, He tangata pai ia: ko etahi i mea, Kahore, engari e whakapohehe ana ia i te iwi.
13 Heoi kihai i rahi te korero a tetahi tangata mona, he wehi ki nga Hurai.
14 Na, i waenganui o te hakari, ka haere a Ihu ki roto ki te temepara whakaako ai.
15 A ka miharo nga Hurai, ka mea, na te aha i hua ai te mohio o tenei tangata, ehara nei hoki ia i te mea whakaako?
16 Ka whakahoki a Ihu ki a ratou, ka mea, Ehara i te mea naku ake taku e whakaako nei, engari na toku kaitono mai.
17 Ki te pai tetahi tangata ki te mea i tana e pai ai, e matau ia ki te whakaakoranga, na te Atua ranei, he korero naku ake ranei.
18 Ko te tangata nana ake tana korero, e whai ana ia i tona ake kororia: tena ki te whai tetahi i te kororia o tona kaitono, e pono ana ia, a kahore ona he.
19 He teka ianei na Mohi te ture i hoatu ki a koutou, a kahore e whakaritea te ture e tetahi o koutou? He aha koutou ka whai nei kia whakamatea ahau?
20 Na ka whakahoki te mano ka mea, He rewera tou: ko wai te whai ana kia whakamatea koe?
21 Ka whakahoki a Ihu, ka mea ki a ratou, Kotahi aku mahi i mahi ai, a e miharotia ana e koutou katoa.
22 I homai e Mohi te kotinga ki a koutou; ehara ano ia i te mea na Mohi ake, engari na nga tupuna; e kokoti ana hoki koutou i te tangata i te hapati.
23 Ki te kotia te tangata i te hapati, kei takahia te ture a Mohi; e riri ana oti koutou ki ahau, moku i whakaora rawa i te tangata i te hapati?
24 Kaua e waiho te whakawa i runga i ta te kanohi, engari kia tika ta koutou whakawa.
25 Me i reira ka mea etahi o nga tangata o Hiruharama, Ehara oti tenei i a ia e whaia nei e ratou kia whakamatea?
26 Na, maia tonu tana korero, a kahore a ratou kupu ki a ia. E tino matau ana ranei nga rangatira, ko te Karaiti pu tenei?
27 Otiia e matau ana tatou ki te wahi i puta mai ai tenei: tena ka tae mai a te Karaiti, kahore he tangata e matau ki te wahi e puta mai ai ia.
28 Na ka karanga a Ihu i te temepara i a ia e whakaako ana, ka mea, E matau ana koutou ki ahau, e matau ana ano ki te wahi i haere mai ai ahau: ehara i ahau ake taku haere mai; engari e pono ana te kaitono mai i ahau; kahore nei koutou i matau ki a ia.
29 E matau ana ahau ki a ia; i puta mai hoki ahau i a ia, nana ano ahau i tono mai.
30 A i whai ratou kia hopukia ia: otiia kihai i pa te ringa o tetahi ki a ia, kahore hoki tona haora i taka noa.
31 A he tokomaha o te mano i whakapono ki a ia, i mea, ka tae mai a te Karaiti, tera ranei e maha atu ana merekara e mea ai i a tenei e mea nei?
32 I rongo nga Parihi i te mano e korerorero ana i enei mea mona; na ka tonoa mai e nga Parihi ratou ko nga tohunga nui he katipa ki te hopu i a ia.
33 Na ka mea a Ihu ki a ratou, He iti noa ake te wahi e noho ai ahau ki a koutou, katahi ahau ka haere ki toku kaitono mai.
34 Tera koutou e rapu i ahau, heoi e kore koutou e kite: e kore hoki koutou e ahei te haere ake ki te wahi e noho ai ahau.
35 Na ka mea nga Hurai ki a ratou ano, E haere oti te tangata nei ki hea, e kore ai e kitea e tatou? e haere oti ia ki nga manene i roto i nga Kariki, ako ai i nga Kariki?
36 He ki aha tenei e ki nei ia, Tera koutou e rapu i ahau, a e kore e kite: e kore hoki koutou e ahei te haere ake ki te wahi e noho ai ahau?
37 I te ra whakamutunga, i te ra nui o te hakari, ka tu a Ihu, ka karanga, ka mea, Ki te matewai tetahi, haere mai ia ki ahau, kia inu.
38 Ki te whakapono tetahi ki ahau, ka rite ki ta te karaipiture, ka rere mai nga wai ora i roto i tona kopu.
39 I korerotia tenei e ia mo te Wairua, meake nei riro i te hunga e whakapono ana ki a ia; kahore ano hoki te Wairua Tapu kia homai noa; no te mea kiano a Ihu i whakakororiatia noatia.
40 Ko etahi o te mano i to ratou rongonga i tenei kupu, i mea, he pono ko te Poropiti tenei.
41 Ka mea etahi, Ko te Karaiti tenei. Ko etahi i mea, E puta mai ranei a te Karaiti i Kariri?
42 Kahore koia te karaipiture i mea, E puta mai a te Karaiti i te uri o Rawiri, i Peterehema, i te kainga i noho ai a Rawiri?
43 Na ka waiho ia hei take wehewehenga ma te mano.
44 Ko etahi o ratou i mea kia hopukia ia: otira kihai i pa nga ringa o tetahi ki a ia.
45 Na ko te taenga atu o nga katipa ki nga tohunga nui ratou ko nga Parihi; ka mea atu enei ki a ratou, he aha ia te kawea mai ai e koutou.
46 Ka whakahokia e nga katipa, Kahore rawa he tangata i rite ana korero ki a tenei.
47 Na ka whakahokia ta ratou e nga Parihi, Kua tinihangatia ano hoki koutou?
48 Kua whakapono koia tetahi o nga rangatira, o nga Parihi ranei ki a ia?
49 Ko tenei hunga ia e kore nei e matau ki te ture, ka oti ratou te kanga.
50 Ka mea a Nikorima ki a ratou, tera i haere mai ra ki a ia i mua, ko ia hoki tetahi o ratou,
51 Ka whakahengia ranei te tangata e to tatou ture, i te mea kahore ano i whakarongo noa ki a ia, i matau hoki ki tana mahi?
52 Na ka whakahoki ratou, ka mea ki a ia, Ko koe hoki tetahi no Kariri? Tena rapua, ka kite koe, kahore kia ara noa tetahi poropiti i Kariri.
53 Na hoki ana ratou ki tona whare, ki tona whare.
1 这事以后， 耶稣周游加利利， 不愿在犹太往来， 因为犹太人想要杀他。
2 犹太人的住棚节快到了，
3 耶稣的弟弟就对他说： "你应当离开这里上犹太去， 好让你的门徒也可以看见你所行的事；
4 因为没有人想引人注目， 却在暗处行事的。你既然行这些事， 就应该向世人显明自己。"
5 原来连他的弟弟也不信他。
6 耶稣就对他们说： "我的时候还没有到， 你们的时候却常常是方便的。
7 世人不能恨你们， 却憎恨我， 因为我指证他们的行为是邪恶的。
8 你们上去过节吧！ 我现在不上去， 因为我的时机还没有成熟。"
9 他说了这些话以后， 仍然住在加利利。
10 然而， 他的弟弟上去过节以后， 他也上去过节， 不是公开地去， 却是暗中地去。
11 过节的时候， 犹太人寻找耶稣， 说： "那人在哪里呢？"
12 群众因他纷纷议论， 有的说： "他是好人。"有的说： "不， 他是欺骗众人的。"
13 但没有人敢公开讲论他， 因为怕犹太人。
14 节期当中， 耶稣上圣殿去教导人。
15 犹太人就希奇， 说： "这个人没有学过， 怎会通晓经书呢？"
16 耶稣说： "我的教训不是我自己的， 而是出于那差我来的。
17 人若愿意遵行 神的旨意， 就会知道这教训是出于 神， 还是我凭着自己的意思说的。
18 那凭着自己的意思说的， 是求自己的荣誉； 但那寻求差他来者的荣耀的， 才是真诚的人， 在他里面没有不义。
19 摩西不是曾经把律法传给你们吗？你们竟然没有一个人遵行律法。你们为什么想要杀我呢？"
20 群众回答： "你是鬼附的， 谁想要杀你呢？"
21 耶稣说： "我行了一件事， 你们都以为希奇。
22 摩西曾经把割礼传给你们（其实割礼不是从摩西开始的， 而是从列祖开始的）， 因此， 你们在安息日也给人行割礼。
23 如果人在安息日行割礼， 为的是要遵守摩西的律法， 那么我在安息日使一个人痊愈， 你们就向我生气吗？
24 不要按外貌判断人， 总要公公平平地判断人。"
25 当时， 有些耶路撒冷人说： "这不是他们想要杀的人吗？
26 你看， 他还在公开地讲话， 竟然没有人对他说什么， 难道官长们真的认为这个人就是基督吗？
27 可是我们知道这个人是从哪里来的， 只是基督来的时候， 没有人知道他是从哪里来的！ "
28 当时耶稣在殿里教导人， 大声说： "你们以为认识我， 也知道我从哪里来， 其实我不是凭着自己的意思来的， 但那差我来的是真实的， 你们却不认识他。
29 然而我认识他， 因为我从他那里来， 也是他差我来的。"
30 于是他们想逮捕他， 只是没有人下手， 因为他的时候还没有到。
31 群众中有许多人信了他。他们说： "基督来的时候， 他所行的神迹， 能比这人所行的更多吗？"
32 法利赛人听见群众纷纷议论这些关于耶稣的事， 祭司长和法利赛人就派差役去逮捕耶稣。
33 于是耶稣说： "我跟你们在一起的时候不多了， 我要回到那差我来的那里去。
34 你们要寻找我， 却找不着； 我所在的地方， 你们是不能去的。"
35 犹太人彼此说： "这个人要到哪里去， 使我们找不着他呢？难道他要到散居在希腊人中的犹太人那里， 去教导希腊人吗？
36 他说‘你们要寻找我， 却找不着； 我所在的地方， 你们是不能去的’这话， 是什么意思呢？"
37 节期的最后一天， 就是最隆重的那一天， 耶稣站着高声说： "人若渴了， 可以到我这里来喝！
38 信我的人， 就像圣经所说的， 从他的腹中要涌流出活水的江河来。"
39 他这话是指着信他的人要接受圣灵说的； 那时圣灵还没有降临， 因为耶稣还没有得着荣耀。
40 群众中有人听了这些话， 就说： "这真是‘那位先知’！ "
41 另有人说： "他是基督。"还有人说： "基督是从加利利出来的吗？
42 圣经不是说基督是大卫的后裔， 是从大卫本乡伯利恒出来的吗？"
43 群众因为耶稣的缘故， 就起了纷争。
44 他们中间有人想逮捕耶稣， 只是没有人下手。
45 差役回到祭司长和法利赛人那里。他们就问差役： "你们为什么没有把他带来？"
46 差役回答： "从来没有人像他这样讲话的！ "
47 法利赛人说： "连你们也受了欺骗吗？
48 官长或法利赛人中间有谁是信他的呢？
49 至于这群不明白律法的人， 他们是可咒诅的。"
50 他们当中有一个人， 就是以前来见耶稣的尼哥德慕， 对他们说：
51 "如果不先听取人的口供， 查明他所作的事， 我们的律法怎能把他定罪呢？"
52 他们回答： "你也是从加利利出来的吗？你去考查一下， 就知道先知是不会从加利利兴起的。"
53 于是各人都回家去了。（后期抄本才加上7:53-8:11）