2 ଅଣ୍ଡ୍ ବିଶ୍ୱାସୀ ଯୋହନ୍ତେ ତାମୁଣ୍ଡ୍ ଜାକୁବଙ୍କ୍ ଚୁର୍ତଡ଼୍ ନାରୁଡ଼୍କିଂଙ୍କ୍ କେସ୍ ଆୱୁକ୍ତଣ୍ଡ୍ । 5 ପିତର୍ ଜଇଲ୍ତାଗ୍ ମାନ୍ଦାନ୍ ୱେଲେ ମଣ୍ଡଲିତ୍ ନାରୁଡ଼୍ ଅଣ୍ଡୟ୍ ମନ୍ତେ ଅନ୍ ସେଙ୍ଗେ ଇଶ୍ୱର୍ତିଙ୍କ୍ ପ୍ରାର୍ତନା ମାଡ଼ମାତ୍ତଡ଼୍ ।
12 ନିଜେତ୍ ପରିସ୍ଥିତି ବିଷୟ୍ତେ ହେର୍କେମାଡ଼ି ଅଣ୍ଡ୍ ଯୋହନ୍ ନୁ ମାର୍କନ୍ ୟାୟ୍ ମରୀୟମ୍ତେ ଲନ୍ ଆତ୍ତଣ୍ଡ୍ । ଆଗେ ନାର୍ଗେ ନାରୁଡ଼୍ ଅଣ୍ଡୟାଗେ ଗୁଡ଼ି ପ୍ରାର୍ତନା ମାଡ଼ମାତ୍ତଡ଼୍ । 13 ପିତର୍ ବାୟିଦେ ମାର୍ତାଗ୍ ତାଲ୍ସ୍କ୍ତଣ୍ଡ୍, ରୋଦା ପେଦେର୍ତେ ଅଣ୍ଡୟ୍ କ୍ରୀତଦାସୀ କାପାଟ୍ ତେର୍ତାନଙ୍କ୍ ୱାତ୍ତେ । 14 ପିତର୍ତେ ଲେଙ୍ଗ୍ ପୁଞ୍ଜ୍ ମିକା ଆଦ୍ ଇସର୍ ୱେଡ଼୍କେତେ ଆତ୍ତେ ଯେ ମାର୍ ତେର୍ୱକଟ ପିତର୍ ବାୟିଦେ ନିସ୍ ମିନ୍ଦେଣ୍ଡ୍ ଇଞ୍ଜ କେତ୍ତେ । 15 ଅଡ଼୍ ଆଦିଙ୍କ୍ କେତ୍ତଡ଼୍, "ନିମ୍ ବାୟେ ଆତ୍ତି ।" ଇତ୍କେ "ଇଦ୍ ନିଜାମ୍," ଇଞ୍ଜ ଆଦ୍ କେତ୍ତାଙ୍କ୍, ଅଡ଼୍ ହାଲ୍ସ୍ତଡ଼୍, "ଆଲେକେ ଇଦ୍ ଅନାଦ୍ ଦୂତ ।"
16 ପିତର୍ ସେନେମାନ୍ କାପାଟ୍ତିଙ୍କ୍ ତାଲ୍ସ୍କମାତ୍ତଣ୍ଡ୍ । ପେର୍କେ ଅଡ଼୍ କାପାଟ୍ ତେର୍ସ୍ ଅଂକିଙ୍କ୍ ଉଡ଼ି ଦାଦ୍ରେଲ୍ତଡ଼୍ ।