5 ପିତର୍ ଜଇଲ୍ତାଗ୍ ମାନ୍ଦାନ୍ ୱେଲେ ମଣ୍ଡଲିତ୍ ନାରୁଡ଼୍ ଅଣ୍ଡୟ୍ ମନ୍ତେ ଅନ୍ ସେଙ୍ଗେ ଇଶ୍ୱର୍ତିଙ୍କ୍ ପ୍ରାର୍ତନା ମାଡ଼ମାତ୍ତଡ଼୍ ।
7 ହଟାତ୍ ପ୍ରବୁନାଦ୍ ୱେରଣ୍ଡ୍ ଦୂତ୍ ୱାସ୍ ନିତ୍ତଣ୍ଡ୍ ନୁ ଆଦ୍ ବାକ୍ଡ଼େ ୱେସ୍ ଆତ୍ତେ । ଦୂତ୍ ପିତର୍ତିଙ୍କ୍ ହାଟ୍ଜାବ୍ତିଙ୍କ୍ ଉହୁସ୍ ତେଏସ୍ କେତ୍ତଣ୍ଡ୍, "ସିଟ୍ପାଟ୍ ତେଏଦେ !" ସାଙ୍ଗେ ସାଙ୍ଗେ ପିତର୍ତିଙ୍କ୍ ତଅସ୍ମାତ୍ତେ ଇକ୍ଲେମ୍ କୁସି ରାୟ୍ତେ । 10 ଅଡ଼୍ କେପାନଡ଼ାଦ୍ ରେଣ୍ଡ୍ ପଡ଼ିୟେ ପାର୍ ଆତ୍ତେ ପେର୍କେ ନାର୍ତାଗ୍ ହସାନାଗ୍ ମାନ୍ଦାନ୍ ଲୁହା ମାର୍ ବକେତ୍ ଆତ୍ତଡ଼୍ । ଅଡ଼୍ ସେଙ୍ଗେ ମାର୍ ତାନ୍ ମାନ୍ତେ କୁଲେମ୍ ଆତ୍ତେ ନୁ ଅଡ଼୍ ପେଇସ୍ ଆତ୍ତଡ଼୍ । ଅଡ଼୍ ହାର୍ଦାଗ୍ ଆଦାନ୍ ୱେଲେ ହଟାତ୍ ସ୍ୱର୍ଗ ଦୂତ ଅଂକିଙ୍କ୍ ୱିଡ଼୍ସି ଆତ୍ତଣ୍ଡ୍ ।
12 ନିଜେତ୍ ପରିସ୍ଥିତି ବିଷୟ୍ତେ ହେର୍କେମାଡ଼ି ଅଣ୍ଡ୍ ଯୋହନ୍ ନୁ ମାର୍କନ୍ ୟାୟ୍ ମରୀୟମ୍ତେ ଲନ୍ ଆତ୍ତଣ୍ଡ୍ । ଆଗେ ନାର୍ଗେ ନାରୁଡ଼୍ ଅଣ୍ଡୟାଗେ ଗୁଡ଼ି ପ୍ରାର୍ତନା ମାଡ଼ମାତ୍ତଡ଼୍ । 13 ପିତର୍ ବାୟିଦେ ମାର୍ତାଗ୍ ତାଲ୍ସ୍କ୍ତଣ୍ଡ୍, ରୋଦା ପେଦେର୍ତେ ଅଣ୍ଡୟ୍ କ୍ରୀତଦାସୀ କାପାଟ୍ ତେର୍ତାନଙ୍କ୍ ୱାତ୍ତେ । 14 ପିତର୍ତେ ଲେଙ୍ଗ୍ ପୁଞ୍ଜ୍ ମିକା ଆଦ୍ ଇସର୍ ୱେଡ଼୍କେତେ ଆତ୍ତେ ଯେ ମାର୍ ତେର୍ୱକଟ ପିତର୍ ବାୟିଦେ ନିସ୍ ମିନ୍ଦେଣ୍ଡ୍ ଇଞ୍ଜ କେତ୍ତେ । 15 ଅଡ଼୍ ଆଦିଙ୍କ୍ କେତ୍ତଡ଼୍, "ନିମ୍ ବାୟେ ଆତ୍ତି ।" ଇତ୍କେ "ଇଦ୍ ନିଜାମ୍," ଇଞ୍ଜ ଆଦ୍ କେତ୍ତାଙ୍କ୍, ଅଡ଼୍ ହାଲ୍ସ୍ତଡ଼୍, "ଆଲେକେ ଇଦ୍ ଅନାଦ୍ ଦୂତ ।"
16 ପିତର୍ ସେନେମାନ୍ କାପାଟ୍ତିଙ୍କ୍ ତାଲ୍ସ୍କମାତ୍ତଣ୍ଡ୍ । ପେର୍କେ ଅଡ଼୍ କାପାଟ୍ ତେର୍ସ୍ ଅଂକିଙ୍କ୍ ଉଡ଼ି ଦାଦ୍ରେଲ୍ତଡ଼୍ ।