ପ୍ରେରିତ 16

14 ଆୱିନ୍‍ ଲୋପେଙ୍କ୍ ତୁୟଟୀରା ଟାୱୁନ୍‍ତେ ଆପାକଲର୍ ତାୱ୍ ସିଲେ ୱାମ ମାନ୍ଦାନ୍ ଲୁଦିଆ ପେଦେର୍‍ତେ ଅଣ୍ଡୟ୍‌ ନାଟାଡ଼୍ ମାତ୍‍ତେ । ଆଦ୍ ଇଶ୍ୱର୍‌ତିଙ୍କ୍ ଉପାସନା ମାଡ଼ମାତ୍‍ତେ ନୁ ପାଉଲ୍ ବାତ୍ କେସମାତ୍‍ତନ୍, ଆଦ୍ ମନ୍‍ଇସ୍‌‍ କେଞ୍ଜି ଗ୍ରହନ୍ ମାଡ଼ାନ୍ ସେଙ୍ଗେ ପ୍ରବୁ ଆଦିଙ୍କ୍ ହୃଦୟ୍‍ତାଗ୍‍ ସୁଯୋଗ୍ ହିତ୍‍ତଣ୍ଡ୍ । 15 ଆଦ୍ ନୁ ତାମ୍ ପରିବାର୍‍ତେ ସାରେତଡ଼୍ ଏର୍‍ଦିକ୍ଷା ଆତ୍‍ତେ ପେର୍‍କେ ମାକିଂଙ୍କ୍ ଅନୁରଦ୍‌‍ ମାଡ଼ି କେତ୍‍ତଡ଼୍, "ପ୍ରବୁନାଗ୍ ନିଜାମ୍ ବିଶ୍ୱାସ୍ ମିନ୍ଦେ ଇଞ୍ଜ ଯଦି ଆଲ୍‍ସୁତି, ଆଲେକେ ମା ଲୋନ୍‌ ୱାସ୍ ମାନୁଟ୍ ।" ଆଦ୍ ଇଦ୍‍ରକମ୍ ମାକିଂଙ୍କ୍ ତାମ୍ ଲୋନ୍‌ ଆଦାନଙ୍କ୍ କେତ୍‍ତେ ।