1 ପେଣ୍ଟିକଷ୍ଟ୍ ପାଣ୍ଡୁମ୍‍ ଦିନ୍*୨:୧ ପେଣ୍ଟିକଷ୍ଟ୍ ପାଣ୍ଡୁମ୍‍ ଦିନ୍ ନିସ୍ତାର୍‍ ପାଣ୍ଡୁମ୍‍ତେ ପଚାଶ୍‍ ଦିନେତ୍‍ ପେର୍କେତ୍‍ ଦିନାମ୍‍ତିଙ୍କ୍‍ ପେଣ୍ଟିକଷ୍ଟ୍‍ ଦିନ୍‍ କେତିତଡ଼୍‍ ସାରେ କ୍ରିଷ୍ଟ ବିଶ୍ୱାସୀଡ଼୍ ୱେରଡ଼୍ ପଡ଼୍‍ୟେତାଗ୍ ଗୁଡ଼ିମାତ୍‍ତଡ଼୍ । 2 ହଟାତ୍ ସ୍ୱର୍ଗତାଗାଙ୍କ୍ ଗାଟି ୱାଦାନ୍ ବେଡ଼୍‍ୟାଦ୍‍ ଗାଲ୍ ଲେଙ୍ଗ୍‍ ଲେକାମ୍ ୱେରଡ଼୍ ଲେଙ୍ଗ୍‍ ୱାତ୍‍ତେ ନୁ ଅଡ଼୍‌ ବେନ୍ ଲୋନ୍‌ କୁଦିମାତ୍‍ତଡ଼୍, ଆଦ୍ ଲୋନ୍‌ ସାରେ ଆଦ୍ ଲେଙ୍ଗ୍‍ତେ ବର୍ତ୍ତି ଆତ୍‍ତେ । 3 ତାନ୍‍ପେର୍କେ ଅଡ଼୍‌ ଉଡ଼୍‍ତଡ଼୍, ବେସ୍‌କ୍ କିସ୍ ୱାଞ୍ଜେର୍ ଲାଟିଆସ୍ ଆଗେ ମାନ୍ଦାନ୍ ସାରେତଡ଼୍‌କିଂଙ୍କ୍ ଇଟ୍‍ତେ । 4 ଆଗାଙ୍କ୍ ଅଡ଼୍‌ ସାରେତଡ଼୍ ପବିତ୍ର ଆତ୍ମାତେ ବର୍ତ୍ତି ଆଦ୍‍ତଡ଼୍ ନୁ ଆତ୍‍ମା ଅଡ଼୍‌‍କିଂଙ୍କ୍ ବେଦ୍‍ପୁଟୁଙ୍କ୍ କେତାଙ୍କ୍ ଶକ୍ତି ହିତ୍‍ତେ, ଆଦ୍ ରକମ୍ ଅଡ଼୍‌ ବେନ୍‍ବେନା ଗଟ୍‍ତଡ଼୍ ତିରିୟାଙ୍କ୍ ପସ୍‍ତଡ଼୍ ।

5 ପୃତିବିତେ ୱେର୍‍ୱେର୍‍ ସ୍ୱର୍ଗତାଗାଙ୍କ୍ ୱାସ୍‍ମାନ୍ଦାନ୍ ଇହୁଦୀ ବକ୍ତାଲଡ଼୍‍ ଆସୁଟେ ଯିରୁଶାଲେମ୍‍ ଦେଶ୍‍ତାଗ୍ ମାତ୍‍ତଡ଼୍ ।