Resultados da busca por "fé"

7Ene okna Jisas kamo prikwa i, yagl Epafras beke togo, prikwa. Epafras moglkwa i, ye no bogl akie Krais kogonmo yoba mungo, na Timoti bogl deno muduno tobuglka. Te, ye ene pre Krais kogonmo wakai kaima erukwa yagle moglkwa.

18Te, Krais ede okna pidre, ye yugobunomo bitno moglko, nono ye ogo nagie mere yegl munga. Te, Krais taragl mudu kaima bitno morabuka pre ye komono kana goglsre, adigl u kor ogwa.

20Te, taragl kane kane makandigle mo kamun mitna paigwa i, Krais kogon erumara mina God bogl akie deno muduno swara yenamnedi erukwa. Ersre, ye Krais ede prak mina bormaimo suru edenabara nono ama God kudamo ikne moglkre, ye bogl deno muduno swara yenamnedi erukwa.

6Na yegl ersre, te, na God lomo pre mitna ediga i pre Jisas yugobunomo ere kide ere tenaglka pamedi prisre, kaima ere kide ere teiga. Te, yoba lo duglo boglsre, yoba du moraiglkwa i, na wakai kaima duglo boragledi erika pre yoba swara ta na kandre, God lomo si biglke dumiwe dinabuka ta kuno erekrukwa.

10Te, na erme prika i, na Krais swara pre kan eragledi prika. Ye goglsre, adigl u kor ogwa pre ye yobuglomo swara i mina na tege te moglsre, ye nomanemo pamere yegl, na nomana yegl panabedi prika. Krais prukwa i, ye giugl kane kane prisre, nono pre gorabuka i pra we di prumere yegl, na ama ye nomanemo idre, giugl pre, ye pre goraglka i ama pra we dinagledi prika.

14Te, Krais Jisas kogon erumara i mina God na heven ibo unatnedi na agle dugwa i, na ama prais inatnedi prisre, na agle dugwa. Yegl pre na prais i, inagledi muku diga mere yegl paugwa.

17Ere yedre, God ye ade, ba, ya kugl kuri ere yogwa i, kamun mitna ibo ere paduglkwa. Abuglage si ede makan mina edenaiglkwa pre ya te,

18etne ya eduer sugl moraiglkwa pre ya te, etne i pere ede, eduer i pere ede eraiglkwa pre kamun mitna ibo ere paduglkwa. Ere kodidre, God taragl ere yogwa kanugwa i, wakai yogo, kanugwa.

30Didre, Ana dua kabu ya kua ya taragl pra pra makan mina wan meglkwa i we, kugl kan ya ede yaudo ki nenaiglkwa pre na ama ere yei teiwe di, yegl dugwa. Dugo, ye dumere pai yugwa.

7Te, ene ede pi ye duglo beglkwa yagl ya Pita yegl di teo, Jisas okna di tomere mere ye ede okna pi distrik Galili omiwa. Ene pi distrik Galili ye kanaiglmiwe di, yegl di teo! dugwa.

18Te, ye toki kide ta akenaiglmo mo nigl kide ne geglkwa ta nebi, i ye si goglkrabuka. Yegl ersre, ye ama yoba kide sinaiglkwa i ye akibi, ye kideno aragan erabiwe di, yegl dugwa.

19 Ana Yagl Kade Jisas ere mogl, ye duglo beglkwa yagl i ka di te kodugo, God ye agre i ede heven ibo ogwa. Agre i ede heven ibo ogo, Jisas ye God ogo wo kra ame di moglkwa.

3Te, ene tawa naratnara Jesi akie enabugledi di gagln, ye wama bogl ebi, na ye wam ta ene obuno di tenaglka. Na ene obuno di tebo, ene wam i king morabedi kugo nuglo bre mina toide edinatniwe di, yegl dugwa.

9Yegl dugo, Jesi ye wam ta kagie Sama di togo, ye Samuel gumamugl wogwa. Wogo, Samuel aglke kor dugwa, Yawe ene wan i ama kere ikrume dugwa.

14Ana Sol we, Yawe Murubuglomo ye moglmara kide kodugo, Yawe ere mogl, murubuglo kide ta ye moglmara pi, ye nomanemo ere kide ere tenan, Sol kudugl podo gorabedi ere edugwa.

32Ana ene okna God abuglage koragle si togwa igne i ene mabuno siragl mere erikwa i, poglo di prio! Igne i, yoba ene yubun podo teigo, ene giugl prikwa ba ene adigl gigledi mogl pai meglkwa.

35Ana okna ene mabuno yegl ersre, adigl gigledi meglkwa pre erme yoba ene ere kide ta ere tebi, ene pre mediglkwa i kide kodokre, God no ere wakai ere norabukra we di pre pai molo. I siragl pre ene yegl pre pai meglbi, ene topo podo okuo inaiglkwa.

37Ene prio! Nono kuri ta mun, Yoba ta unabuka paugwa i, sugl moglkre, unabuka.10.37 Aisaia 26.20

13Akie yake pai mun, nono God Wam pre medunere ya pre kan erumnere u swara enabuka. U swara enan, nono yake ede pi yoba mere yegl mogl, Krais moglmere mere kuno yegl moramga.

19Te, yoba meda meglkwa i, ye mabuno kide kane kane ere kan kodigwa pre ye agai ta goglkrikwa. Ye agai goglkre, mabuno kide ya mabuno gua gua siragl mere ta eramnedi prikwa i kide kodokre, ege ege ere wan mogl, ere ede podo enamnedi prikwa.

26Te, ene ege tau deno kubraiglkwa ba ene deno kubraiglmara i, tadaglme erekre, tabre kide kodinaiglkwa.4.26 Giglage 4.4 Ene deno kubraiglkwa i pai mogl enan, ade beinan, kide panabuka.

3Na okna dumo Efesus kide kodidre, ede provins Masedonia enagledi erika igne, na ene ka gigledi di te, dumo Efesus mogl pai moglo diga i, ene pitnga. Ana na okna dimere yegl, erme ama kuno yegl di tenagledi prika. Ene dumo Efesus mogl pai moglsre, yoba tau ye ka mabuno kibi didre, pre mediglkwa yoba beke te meglkwa i, ene ye drano si kegl dinatnedi prika.

1Ene u kor pi kodigwa pre ene yoba ere kide ere tenamnedi prekrio. Te, yoba gumuglno mina no wakai munedi yoba bakagl tedre, ka kibi dikrio. Te, yoba jelas ere tedre, mokono ka digwa mabuno gugl ede, kide kodio.

10Ene okna God yobama ta moglkrikwa ba erme ye yobama meglkwa. Te, God ene mitno goglkwa i, ene okna ta pre kan erekrikwa ba erme ene pre kan ere kodigwa.

16Ene kane yoba ta moglkrumnedi prisre, kane yoba erimere erekrio. Te, ene nomane kide idre, No kane ta paikrumga pre gua gua wan moramga i, ama kuno erumiwe di, yegl ta prikrio! Ene wan meglmara i, Na God niglmo kogonmo yoba moragliwe di, nomane yegl io!

1Ene i kodime diga i, na ka ebrie mina yegl dinaglka. Yagl ta goran, ye wam taraglmo inabuka paugwa ba ye gak kebra mogl pai moglkwa pre ye nem niglmo kogonmo yoba meglmere mere kuno yegl moglkwa.

8Prio! Ene okna God pre kan erekrikwa igne, ene taragl kane kane kagno dagl, niglno kogono ere teigwa ba taragl kane kane i, ka kaima moglkrikwa.

14Igne i, kide podo na sugwa pre ene yubun teiga ba na kide kandre, mokono narekrikwa. God angelomo mo Krais Jisas yene ene meglmara ta wibi, ene di inaiglmere mere na di igwa.

13Ye ene di ibi, ye ama deno muduno wida dinabedi di teo. Ba ene di ikribi, ye deno muduno wida dinabedi di tekrio.

17Te, ene yoba pre kan kun erio. Ye ene si kane sidre, kot ere tedre, ka mabuno yuguno yenabara ene duglnai sinaiglkwa.

22Te, ene na duglo beglmedi yoba mudu ene kide kanaiglkwa. Ba yoba ta ibun idre, adigl gigledi moraiglkwa i, ege kide i dudunabuka igne, God ye ere inabuka.

5Te, ye ogwa igne, Maria dane paugo, ye Josep bogl akie ede ebrika. I siragl pre Maria ye Josep moglmara enabedi di padigl kodigwa pre gavman yoba ye kagno suo akie tenabugledi ede ebrika.

12Te, ene taragl ta kandre, gak i moglmedi kanaiglkwa. Gak i ye lap mina wersre, agl bugla kugl neimara boksmo ta yomara ugl padiglkwa pre ene kandre, gak i moglmedi kanaiglmiwe di, angelo i yegl dugwa.

52Te, Jisas we, ye yakidre, nomane kor kor idre, erukwa. Yegl eruko, God ye wakai kanugo, yoba ama ye wakai kanigwa.

1Ana yagl ta kagie Festus we digwa, ye Feliks agaimo yugwa i, ede provins Judia udre, ede dumo Sisaria ogwa. Ye pi Sisaria ege 3-pela de mogl, aglke ede Jerusalem ogwa.

14Yoba ta ene ere kide ere tebi, God yoba i ere kide ere tenabedi agle di prikrio. God ye ake ple di tenabedi agle di teo.

18Ene ege ege yoba pere bogl deno muduno swara yedre, wakai moraiglkwa mabuno i erio. Ene yegl eribi, ene erikwa i yene ta kide pribi, yene mina panabuka ba ene siragl mere eraiglkwa pre diga.

21Te, mabuno kide ene yobuglo ere norabedi kanige erekrio. Ene mabuno wakai ersre, mabuno kide egre atne edio.

15Ana Moses ere mogl, ka ta ama Israel yoba yegl di togwa, Yawe muglo Horep doga wagle atne mogl, ene ka di togwa igne i ene ye ogo nagie mo i ta kankrikwa. Yegl pre ene kan kun erio!

16Ene mabuno kide ere, taragl swara ta kwiano kamage ere tenamnedi bekekrio! Taragl yagl mo abu mere

19Te, ene kan mitna ibo edidre, ade ba ya kugl kuri kanaiglkwa i, ene kan kun erio! Ene nomane kide idre, taragl i goglkono bodugl tedre, kagno kade tedre, kamage ere te dinaiglmiwa. Yawe ene Godno moglkwa i, ye taragl i yoba mudu yugobuno pere pere uglo koglo koglo meglkwa i, ere yei tomiwe di, Moses yegl dugwa.

11God ye ka ta di nogugl ede norukwa i, yegl paugwa. God Wam swara i mina ye aimadi kamin kor moramga i norie dugwa.

14Te, nono kudugl goglkre, God agle di prumga. I siragl pre God yene taragl tau eragledi prumere mere nono ye erabedi agle di prumun, ye nono kano prabuka.

18Ba God yoba ta ere i kor edugwa i, ye tadaglme erekrimedi prumga. God Wam yoba i suglmo moglko, yagl kide ye ta akekrukwa.

2Na diga i, ene prio! Ene ta pitn, Na taragl mudu pre pogl si kodiwe di, yegl ta pitn, ene nomane wakai ta inatnga i, ikitnga pai moglkwa.

9Ene lo mina atne kane paikrikwa pre ene kaya mokna mo mie siragl mere i nenamnedi praiglkwa i, i nenaiglkwa. Ene i nenaiglkwa i, aglau ta paikrukwa ba ene agroma abaroma tau kinano suo yenabuka i, ene nebi kandre, yage sibi, kide panabuka pre ene kan kun erio.

12Ene agro mie i taragl kide yomedi prabuka ba ene ye nenabedi ake nu sibi, ene agro i ere kide ere tedre, Krais ama ere kide ere teigwa pre tadaglme erikwa.

9Ene mie i kor nekre, nigl bogl gaglkrio! Ene mie mudu, bre ya ogo kagle ya dem muduo pra, kodo gaglsre, neo!

10Te, mie tau tagna kana nenamnedi mokade yekrio! Ene eduer i keme nebi, tau yoko yenan, gagl tege erio!

32Ene sipsip ya meme ya kau kiglkwa i ama okna dibrere idre, ede enaiglkwa. Te, na ama ene di wakai yei nariro! di, king yegl dugwa.

49Sodom yoba, ene agroma meglkwa i, tadaglme yegl erikwa, ye yene pre i mitna edidre, yoba goduglme meglkwa i, ta ake ple di tekrikwa. Ye kaya mokna podo nedre, yoko wakan meglkwa ba yoba goduglme ta ake ple di tekrikwa.

50Ye yene pre i mitna edidre, tadaglme podo kide na mane dimara eriko, kaniga. Yegl pre na kandre, ye mudu si goglka.

8No yubun kane kane yumga ba yubun kane kane i, no si atne edekrikwa. Te, ege tau mere nomano mina kinano gudu prumga ba no nomano u kide pikrukwa.

9Yoba ege mere no ere kide ere norikwa ba God moko norokrukwa. Te, taragl kane kane no si atne edinamnedi erikwa ba no u kide pikrumga.

17No yubun erme yumga i, taragl kebra yedre, ege sugunagle keme yenabuka. Ba no yubun yumnara i pre taragl wakai wakai okuo inamga i, podo kide kaima yei, aimadi kamin yenabuka.