Resultados da busca por "fé"

3Nono yoba mudu pre kamage eramga i, wakai panabuka. Te, yegl erumun, God, nono ere yugwa moglkwa i, ama wakai kanabuka.

12Ye mogl mitna edidre, God kamo beke yagl tenaiglkwa i, na mane diga. Kiede moraiglkwa.

14Te, Satan yoba bakagl togwa igne i ye u Adam moglmara bakagl tekrukwa. Ye abu Ewa bakagl togo, Ewa prisre, tadaglme erukwa.

20Ana ye Jisas ede prak mina sigwa i, taun yomara magigl yogwa pre Juda yoba tau mere ka i kerikwa. Te, ye ka boglkwa i, ka Hibru mina boglsre, ka Rom mina boglsre, ka Grik mina ama boglkwa pre mere kerikwa.

40Ana Josep ya Nikodemus Jisas ogo nagie idre, lap kruo mina were, ede nuglo demene erukwa i egre tedre, padiglkwa. Juda yoba ye yoba maugl sigwa igne, mabuno yegl erikwa.

42Ana igne i wakan kade tagna yenabuka pre taragl ere wakai erikwa igne yogwa. Yegl yogo, kobuglo mur i, magigl yogwa pre ye Jisas ogo nagie i mina atne yeigwa.

8ba erme mabuno kide yegl mere kide kodinaiglkwa. Ene yoba deno kubro tekre, ere kide ere tekre, kenaglno sikre, ka tewe dikre,

17Te, ene ka siragl mere dinaiglkwa mo kogon siragl mere ta eraiglkwa i, ene Yaglno Kade Jisas yobama munedi prisre, yomere pamere keme mudu erio. Te, Krais kogon erumara i mina ene Neno Kade God di wakai yei te molo.

24I siragl pre enene prikwa i, ene ka kaima Yaglno Kade Krais kogonmo ere teigwa. Te, ene kogon erimara yene okuo taragl wakai wakai topo mere yegl ene tenabuka.

11Ene i pi kot wagle edenaiglkwa igne, ene ka siragl mere kot mina di ikne ede tenaiglkwa i pre, pre yubun dekrio. Pre yubun dekre, God ka siragl mere ene di tenaiglmere mere igne i, ene tenabuka. Tenan, dinaiglkwa igne, ene digwa mere yegl ta paikrabuka ba Mudu Murubuglo ene drano mina ka dugwa mere yegl panabiwe dugwa.

13Te, ene na duglo beglmedi yoba mudu ene kide kanaiglkwa. Ba yoba ta ibun idre, adigl gigledi mogl enan, ege kide i dudinan, God ye ere inabiwe dugwa.

35Kuno yegl mere ene ama sugl molo! Ene yugu nem aunake unabuka i, ene prikrikwa. Ye min panan unabo mo eduer suna unabo mo koduagle wi sinan unabo mo, tagna mogl unabo mo i, ene prikrikwa pre

15Ana Moses ere mogl, ka ta ama Israel yoba yegl di togwa, Yawe muglo Horep doga wagle atne mogl, ene ka di togwa igne i ene ye ogo nagie mo i ta kankrikwa. Yegl pre ene kan kun erio!

16Ene mabuno kide ere, taragl swara ta kwiano kamage ere tenamnedi bekekrio! Taragl yagl mo abu mere

19Te, ene kan mitna ibo edidre, ade ba ya kugl kuri kanaiglkwa i, ene kan kun erio! Ene nomane kide idre, taragl i goglkono bodugl tedre, kagno kade tedre, kamage ere te dinaiglmiwa. Yawe ene Godno moglkwa i, ye taragl i yoba mudu yugobuno pere pere uglo koglo koglo meglkwa i, ere yei tomiwe di, Moses yegl dugwa.

2Ye kor aimadi moramga di noruko, no pre kan erumga. Pre kan ersre, ene di te, Ye Nem bogl miurko, udre, kor aimadi moramga norume dumga.

3Didre, ye pre kan erumga i, nono akie si dakagl moramga pre ene di tomga. Nono kaima Neno Kade God ya ye Wam Jisas Krais bogl akie si dakagl munga pre yegl dumga.

9Ba nono tadaglmeno God di pogl tomun, God ye ere noragle dumere yegl ere, tadaglmeno koko ede norsre, mabuno kide siragl mere erumga i, kide kodo norabuka. I siragl pre God ege ege ka dumara adigl moglsre, mabuno du keme ere norukwa.

7Te, Krais kagie wakai kaima yogo, ye kagie ene ama togwa i, mige podo kan neigwa yoba i keme di kide yei teigwa. Yegl pre ene mige kan neigwa yoba mogl mitna edimedi kanigwa i, kuno erekrukwa.

15Ene prio. Ene agro mo abaro swara ta kugugl gagl edenabuka ta yekran, kaya mokna nenabuka ama ta yekran,

20Ene du etn kana. Ene pre mediglnga i mabuno wakai ta boglkitn, pre mediglnga i, de sugwa mere yegl pamedi pratnga.

8Kuno yegl mere, God nono mudu si ake du edugwa ba ene ta ere si di ikran, ene pratnga, ye gagiglma meglmara suna i, na ta moglkriwa. Na konbauna gak mere yegl ta moliwedi pratnga.

17Te, ene prikwa, Iso okuo nomane kor idre, ye nambamo ikne edenagledi prukwa ba God mane dugwa. Ye kai ersre, namba ikne edenagledi konbo dokugwa ba ye konbomo ta yeikrukwa.

19Te, biugel ta boglko, ye prisre, God ka tau dugwa ama prikwa. Ye prikwa igne, ye kudugl gogl, God ka tau ama di noro dinabedi kamage yeigwa.

11Ye dugwa i, yegl dugwa, Ene siragl taragl ta kanatnga i, mudu buk mina bogl atne edidre, yoba ten, ye i pi pre mediglkwa yoba taun 7-pela makai sinaglmara i tebi, kerinaiglmiwe dugwa. Taun 7-pela i, Efesus ya Smerna ya Pergamum ya Taiataira ya Sardis ya Filadelfia ya Laodisia pre diwe di, yegl dugwa.

18Ene pidre, dumo Kenan siragl mere yogwa i, ene kanaiglmiwa. Makan nem yoba mere meglmo mo suom ta meglmo mo i kandre, yobuglno podo pamo mo paikrumo mo i ama kanaiglmiwa.

20Te, makan gaba nuglo podo pamo mo paikrumo mo i kandre, ede mere paimo mo paikrimo mo i ama kanaiglmiwa. Ana taragl i mudu kandre, ene ede ikne unamnedi eribi, ene ede mogo tau uraiglkwa kuno eran, tau uro idre, ede unaiglmiwe di, Moses yegl dugwa. Moses yegl didre, yagl wagle dedugwa igne i ede wain mogo koglkwa bogl yenagledi erukwa ege yogwa.

21Ana Moses ere mogl, yagl wagle ikra dedugo, ye komono kana ede pi nigl beye kra dumo wau ta yomara Sen we dimara pi kandre, wan ede pi nigl bre kra pidre, dumo ta Rehop we dimara ama kanigwa. Dumo Rehop i, dumo ta Lebo Hamat we dimara magigl yogwa.

1Na agrama abarama wagle, ene dumo Efesus mogl, God Kere Yugwa Yagl Jisas pre medigl, God yobama meglkwa i, na Pol ene pepa i bogl teiga. Na moglka i, God yene wakai prumere ere mogl, na Jisas dedugwa yobamo ta moratnedi na kere i pere edugo, na ye kogonmo ere moglka.

49Sodom yoba, ene agroma meglkwa i, tadaglme yegl erikwa, ye yene pre i mitna edidre, yoba goduglme meglkwa i, ta ake ple di tekrikwa. Ye kaya mokna podo nedre, yoko wakan meglkwa ba yoba goduglme ta ake ple di tekrikwa.

50Ye yene pre i mitna edidre, tadaglme podo kide na mane dimara eriko, kaniga. Yegl pre na kandre, ye mudu si goglka.

2Te, ye ama yoba swara ta kenaglmo sikre, yoba nonga si tekre, kiede moraiglkwa paugwa. Te, ye yoba mudu ere wakai ere tenamnedi prisre, ake ple di tenaiglkwa paugwa pre ene ye ama yegl eraiglmedi di to.

3Nono okna siragl mere munga i, ene pitnga. Nono okna Jisas pre mediglkunga igne, nono God mabunomo i ta pre pogl sikre, ye kamo sedumga. Te, yagl kide ama nono bakagl norukwa. Te, nono mabuno kide kane kane i wakai kandre, gun erme keme yenamnedi pre, mabuno kide kane kane erumnara i mina kane pamga. Nono yegl ersre, te nono ama yoba ta ido jelas ere tedre, kide kan, ere kide ere tomgo, ye ama nono kide kanigo, yegl ere wan munga.

11Ene ye mokon tedre, ene pre pogl sinatnga i, yoba yegl ta erukwa i ye yene u kide pidre, tadaglme ere moglkwa, te yene mabuno kide erumara i mina ye ka idre, ede meda omiwedi, ene yegl kan pogl sinatnga.

20Ana Josep dumo Isip moglkwa igne, ye ere mogl, abu Asenat yugo, ye yagl gak suo kiurka, kagno Manase ya Efraim. Asenat, ye Potifera abuglo moglkwa. Potifera i, ye dumo Heliopolis moglsre, Isip yoba godno tawa togwa yagle moglkwa.

7Te, ene yubuno i, pra pra pia si God ogo mina yenaiglkwa paugwa. I siragl pre God ene mitno goglkwa yagle moglkwa.

11Ye swara yobuglomo aimadi kamin podo kide pai, pai kawa tenabuka. Kaima.

14Ene enene deno muduno ikne ikne tedre, nuguno kugro, kogl kare di io.Ana ene Krais yugobunomo suna meglkwa i, deno muduno wida di inaiglmedi prika.

15Te, Herot ye kira pogl prisre, ede ikne nono munara unabedi dedugwa pre ye ama aglau ta erekrumedi kanugwa paugwa. Ene kanio, ye aglau podo ta erekrukwa pre na ye si goraglka i, kuno ta erekrukwa.

53ye Jisas ogo nagie ede prak mina paugwa i, i atne edidre, lap kruo mina were, ye ogo nagie i pi kobuglo mur kor ta perimara yogwa. Kobuglo mur i yoba ogono nagino okna yeikrikwa.

56Kandre, ede ikne pi Jisas ogo nagie kugo ere tenamnedi taragl tau demene wakai erukwa i, ere wakai ere yeigwa. Ere wakai ere yedre, lo dumere mere Sabat de wakan meglkwa.

1Ana Festus ka yegl di kodugo, King Agripa ere mogl, ye Pol di te, Ene kanen do dugwa. Yegl dugo, Pol ye ogo koglo ake mina ede, ye ka yegl dugwa,

4No kamun kuade ene bogl akie munga igne ene ege mere di tedre, Nono yubun tau inamga pamiwe di tomgo, ene prikwa. Te, erme no ene di tomnere mere kuno yegl plau dugo, ene yubun tau igwa i, ene pre kan ere kodigwa.

9Ana no ene pre ege mere God di wakai yei tomga. No God gumoglo mina kamage erumga igne, ene pre gun podo kaima yedre, kamage erumga.

12Te, no ama kamage erumga i, Yaglno Kade ene ake ple di tenan, ene pre mediglkwa yoba ikne ikne deno muduno tedre, yoba mudu ama deno muduno tenaiglkwa mabuno i, ene meglmara kau kaima sinabedi kamage erumga. No ene deno muduno podo kaima tomnere yegl, ene ama deno muduno podo ikne ikne tedre, yoba meda meglkwa i ama tedre, eraiglmedi pre kamage erumga.

1Ana abaro Fibi ye kuri ta mogl, no kide kodo, ene meglmara unabuka. Ye unan, ene ye kogl kare di, di inaiglmedi prika. Fibi i, ye Jisas yugobunomo dumo Senkria meglkwa i, ake ple di togwa abu moglkwa.

6Te, na abu Maria ama di wakai yei teiga. Ye ene ake ple di tedre, kogon podo ene meglmara ere togwa.

27God moglkwa i, ye swara nomanemo podo pai, pai kawa togo, ye Jisas Krais kogon erumara i mina nono ere yugwa pre nono ye kagie kade aimadi kamin te pai moramga. Kaima.

9Na ka wakai yegl di wan moglka i pre yoba na kide erumedi kandre, yubun nare, ama sen mina na si kane sigwa. Ye na si kane sigwa ba God kamo i ta si kane sikrikwa.

12Te, nono yubun idre, adigl gigledi mun, nono ye bogl akie king moramga.Ba nono ye mokono tomun, ye ama moko norabuka.

25Te, ye mogl atne edidre, yoba ta ye kudano ikne mere yegl moraiglkwa i, ka beke tenaiglkwa paugwa. I siragl pre God yoba i agai tenan, ye nomano yake tedre, ka kaima paugwa i pre pogl sinaiglmo mo sikraiglmo mo i, nono ta prikrumga pre God kogonmo yoba ye yoba i ka beke tenaiglkwa paugwa.