Resultados da busca por "fé"

20Ana igne i Moses ye nem mam kiurko, ye gak wakai kaima ta moglkwa. Ye gak wakai kaima ta moglkwa pre mogl, nem mam ye yugugl teke padigl, ere kugl miurka. Ere kugl miurka, ba suota ede ogo,

21ye i meda edibrika. I meda edibriko, Isip king abuglo ye u kan idre, yene wam morabedi i pi ere kuglkwa.

24ye ede ogwa. Ye pidre, kanugwa i, Isip yagl ta ere mogl, Israel yagl ta ere kide ere te, ye ere sugwa. Ere sugo, Moses ye kandre, Israel yagl i kubun ere idre, Isip yagl ikra ye mabuno kide erumara i, ere ikne ede te, si goglkwa.

6Ana Jisas ka yegl di kodidre, eur si makan mina edugwa. Edidre, ye eur sumara makan gaba tau buglkwa i idre, yagl ta gumuglo kin yogwa i gumuglo mina gaba buglsre,

26Dugo, Farisi yoba ye aglke kor yegl di prikwa, Ye ene siragl ere tome? Ye siragl mere ersre, ene gumugln ere wakai ere tome? digwa.

32Te, ene prio! Mana na kuglmara gumuglna kin yogo, ye gumuglna ere wakai ere narukwa i, taragl yegl mere okna ege swara ta plau dugo, kankrumga.

13ye kan eglke ede, ede fik ta yaudo si paugo, kanugwa. Kandre, ede magigl pi mogo ta kogl pamo mo di, kanugwa i, mogo ta kogl paugo kankrukwa. Ede fik i, mogo koglkwa egemo yekrukwa pre yaudo keme paugo, kandre,

14ede i di kide yei te, Yoba okuo ta ene mogonen uro nekraiglmiwe dugwa. Yegl dugo, ye duglo beglkwa yagl pre meglkwa.

25,26Te, Ene adigl mogl, kamage eraiglkwa igne, yoba ta ene ere kide ere tenaiglkwa i, ene gugl ede teo! dugwa. Yegl eribi, ene Neno heven ibo moglkwa i ene tadaglme erikwa i ama gugl edenabiwe di, yegl dugwa.

40Ana Jisas kamage yegl ere kodidre, ede u ye duglo beglkwa yagl suota meglmara udre, kanugwa i, ye ugl pai meglko, kanugwa. Kandre, Pita yegl di prukwa, Ene aua swara keme kor meglbi moramga i, kuno ta erekrumo?

44Ana Jisas u kandre, aglke ede ikne pi ege namba 3 kamage erukwa. Ye okna kamage erumere ikra aglke kor dagl erukwa.

46Ene adigl ede wio. Yagl ta na i pi kudana ikne ogono mina yenabuka i, uma, kanio dugwa.

5Te, ye yegl digwa igne, no prumga ye mige moni keme tenaiglkwa pre dimedi prumga ba ye wakai kaima ta erikwa i, God ye eraiglmedi prumere mere ye yene mudu meglmere komono kana i pi Yagl Kade tedre, okuo mige monino ama teigwa. Te, ye mudu meglmere yu no God kogonmo yoba munara ama norikwa mere yegl paugwa pre ye wakai kaima erimedi prumga.

7Ene mabuno wakai tau mere erikwa i, no prumga. Ene God kamo pre medigl moglsre, ye kamo didre, wakai ere kere kandre, ye kogonmo kaima eramnedi prisre, te, ene beke tomnere mere agroma abaroma wakai kanigwa. Ene wakai kaima erimere yegl mere ene mige moni sinaiglkwa kogon wakai i, ama ere kodio.

18Te, no ama agro ta ye bogl akie unabredi dedumga. Agro ta i, Jisas kamo wakai i, ede eglke enabedi kogon siragl mere erukwa i, yoba di wai digo, Jisas yugobunomo bage bage meglkwa i, mudu prisre, wakai erumedi prikwa.

1Ana bret yis edekre, neigwa ege ikra, ede magigl ugwa. Te, ege kade i, ama God nono kowano awano oglo sugwa ege we digwa.

10Ye yegl dibriko, Jisas di ikne ede, yegl dugwa, Ene ede taun kade suna ebr, yagl ta nigl migi kake yunan, ene ye tegigl yedre, ye enabara ene sika si pi yugu ta ede yugugl enabara i, ene ama ede yugugl piro.

46Ana Jisas ye ugl pai meglkwa i kandre, ye yegl di togwa, Ene siragl pre ugl pai meglme? Ene adiglsre, yagl kide ene kinano si dinabedi kamage ere molo dugwa.

1Ana God Wam ye mogl mitna ede, angelo mudu togwa pre nono ye kamo prumga i, ake gi di moramga. Ake gi di moglsre, ye kamo i ta kide kodo, ede eglke pi dinamnedi eramga paugwa.

2God okna ye lomo i, angeloma di togo, angelo i pi Moses di teigwa. God lomo i, gigledi paugo, yoba God lomo swara swarade si biglke dimere topo kide kuno ere te ikne edugwa.

4Te, God yene wakai prumere ama kamo wakai yogwa i pre medraiglmedi kimagl ya diu kane kane ersre te, i ama gigledi panabedi Mudu Murubuglo mina ye yobama yobuglo ya nomane kane kane togwa. Yegl paugwa pre ye nono ere yugwa ka i, mokono tomun, ibun inamga.

13God dumo igle Jekop ka di tedre, ede ogwa.

14Ede ogo, Jekop kobuglo olto ta idre, God ye ka di tomara i yoba okuo kanaiglmedi bodugl paduglkwa. Padiglsre, ye wain nuglo God tena pre toide kobuglo bolamugl edugwa. Yegl ersre, ye kugo nuglo ama toide kobuglo bolamugl edugwa.

16Ana okuo ye dumo Betel i kide kodidre, ede pi dumo ta Efrata we dimara enamnedi eigwa. Ye ede pi meglko, dumo Efrata i kuri ta eglke yei pai moglko, Resel ye gak kuragledi ersre, gagie giugl podo prukwa.

6ene kaima deno muduno swara yedre, ene u swara pi mogl, God kagie kade tenaiglkwa. God we diga i, ye nono Yaglno Kade Jisas Krais Nem moglsre, Godmo moglkwa i pre diga.

7Ana yegl pre Krais nono ere di i suna edumere mere yegl, ene agroma abaroma mudu ama di i suna edio. Ene yegl eribi, God kagie kade inabuka.

33Ana deno muduno wida di padigl norukwa God i, ene meglmara mogl tenabedi prika. Kaima.

16Ene abu pre mediglkwa meglkwa i, ene winoma ta pre mediglkraiglkwa ba ye ene siragl mere mogl pai ere, ebrie mabuno boraiglkwa i kandre, okuo ye pre mediglbi, ene ye ere i, God yugobunomo suna edigwa mere yegl panabuka. Te, yagl pre mediglkwa ta meglkwa i, ama kuno yegl mere ene ebinoma ta pre mediglkraiglkwa ba ye ene siragl mere mogl pai ere, ebrie mabuno boraiglkwa i kandre, okuo pre medigl ede suna wibi, ene ye ere i God yugobunomo suna edigwa mere yegl panabuka.

21Ene tau kane pai, yoba niglno kogono ere pai meglko, God ene agle di, i suna edugwa. Ene ede meda enaiglkwa konbauna ta yenan, pra ene kane paimara kide kodo, ede meda enaiglkwa ba konbauna ta yekran, ene moraiglmara pre yubun dekrio.

27Ene abu ta i kodinga panan, ene ye sedekratnga ba ene abu ta ikitnga panan,ene abu inagledi erekratnga.

46Di pere pere edidre, ye swara ede muglo pi kamage eragledi ede ogwa.

48Ede suna pidre, yobuglo ere, nigl aware si, ede enamnedi erikwa, kuno erekrukwa. Ye enaiglmara ir podo u baglkugl guma ake ikne edugwa pre kuno erekrukwa. Ana Jisas ye yegl eriko, kandre, kamun tagenagledi eruko, ye nigl yaudomugl konbauna egre, ede eimara i pidre, ede okna enagledi erukwa.

54ede meda eigwa. Eigo, yoba oglade Jisas ikra umedi kandre,

26Te, yoba ta kor moglsre, na pre medran, ye kaima ta goglkrabuka. Na ene di teiga i, ene pre mediglno? Jisas yegl di prukwa.

30Jisas ede dumo suna ukrukwa. Ye Marta bogl tegigl yeibrara ikra mogl pai moglkwa.

54Yegl pre igne i Jisas Juda yoba meglmara nogugl wan moglkre, dumo i kide kodidre, ede pi taun ta dumo wau yomara magigl yomara ogwa. Taun kagie Efraim we dimara i pidre, ye duglo beglkwa yagl bogl dumo i meglkwa.

1Ana Apolos ye ede pi dumo Korin moglkwa igne, Pol provins Esia suna i, wan ede pi kamin muglo kra pidre, konbauna ta yomara ede pi dumo Efesus plau dugwa. Efesus plau didre, yagl tau tegigl yogwa. Yagl i, Jon yoba okna ye nigl bugl togwa i, kamo prisre, duglo beglkwa yagl meglkwa.19.1 Ka Grik mina yagl wagle i ye duglo beglkwa yoba meglme dugwa. Ye Jon duglo beglmo mo ira duglo beglkwa i, ka bage i mina paikrukwa ba ka yoglbo i mina nogugl paugwa. Ye Jon kamo okna duglo boglsre, erme Jisas pre mediglsre, nigl biglkwa.

1Ana okuo, angelo pere ta heven ibo kide kodo, ede atne ugo, na kaniga. Angelo i, kagie kade paugo, ama abuglagemo podo sugwa pre makandigle pogl dugwa.

6Ye yoba pere ta mabuno kide ere teimere kuno yegl mere ene ye ere ikne ede teo! dugwa. Te, ye mabuno kide swara swarade erikwa i, ene ege suo mere ere kide ere te ikne edio. Ye nigl kide kap swara mina koglsre, yoba pere teigwa i, ene kap suo mere kogl, te ikne edio dugwa.

7Ye bona gana podo sidre, kagie kade imere mere ye giugl prisre, kide praiglmedi ere teo. I siragl pre ye nomano mina prikwa i, No abu werai mere moglkre,18.7 Aisaia 47.7-8 abu kwin mere yegl munga pre ege swara ta kai erekramniwe di prikwa.

2Okna, na ege suo mere ene meglmara udre, ene ka di teimere yegl, erme ama eglke mogl, aglke kor dinaglka, Yoba okna tadaglme ere mogl wigwa mo erme ere meglkwa mo i pra, na ene meglmara unaglka igne, ye ka konade ta di tekraglka.

5Ana enene doko kanio! God kamo, nono pre medunga i, dumere ene ere meglmo mo ere moglkrime? Enene doko kanibi, ene kanaiglkwa i, Jisas Krais ene meglmara suna kogon ere moglmedi kanaiglkwa paugwa. Mo, ta manan, ene kanaiglkwa i, ene mabuno erikwa i, God wakai ta kankrukwa pamedi kanaiglkwa.

13,14Te, God yobama na moglmara magigl meglkwa i, ye mudu ene wakai we di teigwa. Na prika, nono Yaglno Kade Jisas Krais ene yoko kaima ere wakai ere te moran, God dem muduo ene te pai moran, Mudu Murubuglo ama ene mudu deno muduno swara yenaiglmedi erabuka.

9Ene prio! Ede tau mogo koraiglkwa paugwa ba mogo wakai ta koglkribi, yoba di maima idre, wei atne ede, gudu i pi, pia si doga mina edimere mere yegl, God ene yegl ere tenarume di, yegl dugwa.

24Heli ye Matat wam moglkwa. Te, Matat ye Livai wam moglkwa. Te, Livai ye Melki wam moglkwa.Te, Melki ye Janai wam moglkwa.Te, Janai ye Josep wam moglkwa.

38Ana Kenan ye Enos wam moglkwa.Te, Enos ye Set wam moglkwa.Te, Set ye Adam wam moglkwa.Te, Adam, ye God wam moglkwa mere yegl paugwa.

21Igne i, yubun podo kide kaima plau dinabuka. God dumo makan ere yogwa igne, ede u erme pra, yubun yegl mere ta plau dikrukwa. Te, okuo ama yegl ta plau dikrabuka.

22Ege kide plau dinabuka i, God tabre ta ere i sugunagle edekran, yoba mudu goraiglkwa mere yegl panabuka pre ye ere i sugunagle edenabuka. Ba ye yoba tau kere igrawa we di prisre, ege i, ere i sugunagle edenabiwe dugwa.

50ye yaglmo kade ye ta ukrabedi prabuka igne unabuka.

2Te, nono erme munga i, God nono ere kide erekre, yoko kaima ere wakai ere norumara i mina atne kra mogl kodumga. Mogl kodumga i, nono Jisas pre medungo, ye konbauna yauro norumara i mina nono ede suna pidre, munga. Moglsre te, nono okuo God abuglagemo podo sumara ye bogl akie wakai kaima moramga i, kaima yegl moramnedi prisre, gun podo yomga pre diga.

6Ana prio. Nono okna meda kaima mogl, ede God moglmara enamga i, konbaunano ta yeikrukwa igne, Krais u nono God mokono tomga yoba munga i, ere inagledi goglkwa.

10Ene prio! Nono okna God kudamo ikne munga ba ye Wam goglmara i mina aglke kor nono yu yene moglmara magigl edugo, nono ye bogl deno muduno swara yei, akie munga. Jisas goglmara i mina God nono yu yene moglmara magigl edugwa pre Jisas erme adigl u kor pidre, kor moglmara i mina nono aimadi kamun wakai kaima moramga keme paugwa. God okuo nono ka tage norabuka i ta kuno erekrabuka.

18Ana Noa wam suota sip yugugl mogl ede meda wigwa i we, ye kagno Siem ya Ham ya Jafet we digwa. Ham yagl gak ta kuglkwa, kagie Kenan we dugwa.

8Jisas Krais ye eduedi moglmere yegl, erme moglsre, aimadi kamin ama yegl mere mogl pai morabuka.

15Ana nono Jisas kagie i mina God ege ege kagie kade tenamga paugwa. Nono yegl eramnara i mina ofa ta God tomga mere yegl panabuka. Ofa i, nono drano mina ye di wakai yei tenamga pre diga.

16Te, ene ama yoba pere ere wakai ere tedre, ye ake ple di tenamnedi taragl tau teigwa mabuno i, kide kodokrio. Ene mabuno yegl erimara i mina, God ofa ta ama teigwa mere yegl paugo, God ofa i wakai kanugwa.