19 Baho sang’hano za lukuli zomanyika vino. Ugoni na uluhadu na kuhondomola, 20 kufugamila milungu ya nyang’iti na uhawi na uhasanyi na kuitoa na maya na ludoko na ugila na kuibishila na kuihasanya, 21 migongo na kukoligwa na umelo na mbuli zimwenga zilinga izo. Nomzumani kaidi kama vinimalile kulonga, wanhu wotenda mbuli zilinga izo honda wengile muufaume wa Mulungu ng’o.
22 Mbali manhunda ga kulongozigwa na Muhe wa Mulungu ni wende na deng’o na utindiwala na kufunya moyo na unovu wa Mulungu na nying’ha na utogoligwa, 23 uhole na kuikimila mwenyego. Baho habule ndagizi yonda kuzilema mbuli izo.