ଦାନି 11

5 "ଇଞ୍ଜାଁ ମିସର ଦେ଼ସାତି ରାଜା ବା଼ଡ଼୍‌ୟୁ ଆ଼ନେସି, ସାମା ତାମି କାଜାରି ବିତ୍ରାଟି ରଅସି ଏ଼ୱାରି କିହାଁ ହା଼ରେକା ବା଼ଡ଼୍‌ୟୁ ଆ଼ହାଁ ସା଼ଲୱି କିନି ପା଼ଣା ବେଟାଆ଼ନେସି; ଏ଼ୱାଣି ରା଼ଜି ର଼ କାଜା ରା଼ଜି ଆ଼ନେ। 6 ସାମା ଏଚେକା ବାର୍ସା ଡା଼ୟୁ ଏ଼ ରିଆରି ଆଣ୍ତ୍‌ୱି ଆ଼ନେରି ଅ଼ଡ଼େ ମିସର ଦେ଼ସାତି ରାଜା ମା଼ଙ୍ଗା ରା଼ଜିମା଼ନା ତୀରି କିହାଲି ସିରିୟା ରାଜା ତା଼ଣା ୱା଼ନେ; ସାମା ମା଼ଙ୍ଗା ତାନି ବା଼ଡ଼୍‌ୟୁ ଗେଲ୍‌ପାଲି ଆ଼ଡେଏ; ରାଜା ଇଞ୍ଜାଁ ଏ଼ୱାଣି ବା଼ଡ଼୍‌ୟୁ ତୀରି ଡ଼ୟେଏ; ସାମା ଏ଼ ମା଼ଙ୍ଗା ଅ଼ଡ଼େ ଆମିନି ଗାଟାରି ଏ଼ଦାଣି ତାତେରି ଇଞ୍ଜାଁ ତାମି ଆ଼ବା ଅ଼ଡ଼େ ଏ଼ଦାଣି ପ଼ହିକିତାରି ବାରେ ହେର୍‌ପି ଆ଼ନେରି।