26 ରାଜା ଏ଼ ଦାନିୟେଲ, ଆମିନିଗାଟାଣି ଦ଼ରୁ ବେଲଟ୍‌ସସ୍‌ର ମାଚେ, ଏ଼ୱାଣାଇଁ ଏଲେଇଚେସି, "ନା଼ନୁ ଏମିନି ହାପାନା ହେ଼ଣ୍ତାମାଇଁ, ନୀନୁ କି ଏ଼ଦାଆଁ ଅ଼ଡ଼େ ଏମ୍ବାତି ଅର୍ତ ନାଙ୍ଗେ ୱେସାଲି ଆ଼ଡାଦି ?"

27 ଦାନିୟେଲ ରାଜା ନ଼କିତା ଏଲେଇଚେସି, "ରାଜା ଏମିନି ଡ଼ୁଗାମାନି କାତା ୱେଞ୍ଜାମାନେସି, ଏ଼ଦାଆଁ ବୁଦିଗାଟି ଲ଼କୁ କି ପା଼ଞ୍ଜି ସିନିକିନାରି, ଗୂର୍‌କା ଇଞ୍ଜାଁ ୱା଼ନି ଦିନାତି କାତା ୱେହ୍‌ନାରି ରାଜା ନ଼କିତା ୱେଞ୍ଜାମାନି କାତା ୱେସାଲି ଆ଼ଡଅରି; 28 ସାମା ଆମ୍ବାଆସି ଡ଼ୁଗାମାନି କାତା ୱେ଼କ୍‌ନେସି, ଇଲେତି ର଼ ମାହାପୂରୁ ଲାକପୂରୁ ମାନେସି, ଅ଼ଡ଼େ ରା଼ନି କା଼ଲାତା ଏ଼ନା ଏ଼ନାୟି ଆ଼ନେ, ଏ଼ଦାଆଁ ଏ଼ୱାସି ରାଜା ନବକୁଦ୍‌ନିସ୍‌ଚରଇଁ ୱେସାମାନେସି। ନୀ ହାପାନା ଅ଼ଡ଼େ ପା଼ସ୍‌ପନିତା ହେ଼ଟି ସେୟାଁଣା ହାପାନା ଈଦି।"