Daniel 7

କା଼ଲାକା଼ଲାତି ମାହାପୂରୁତି ସେୟାଁଣା ହାପାନା

9 "ନା଼ନୁ ମେସି ମେସି, ଏଚରଗଟା ସିଂଗାସାଣି କିୱିଆ଼ତୁ, ଇଞ୍ଜାଁ ହା଼ରେକା କା଼ଲାତି ଦୂତି ବୁଡ଼୍‌ହା କୁଗିତେସି। ଏ଼ୱାଣି ବାସ୍ତେରି ପେଣ୍ତି ଲେହେଁ ଦବ୍‌ଲା; ଏ଼ୱାଣି ତା଼ର୍ୟୁଁତି ବା଼ଣାୟାଁ ଅପ୍‌ହି ମେ଼ଣ୍ତାତି ବା଼ଣାୟାଁ ଲେହେଁ ମାଚୁ। ଏ଼ୱାଣି ସିଂଗାସାଣି ହିଚୁ ଲେହେଁତାୟି, ଅ଼ଡ଼େ ଏମ୍ବାତି ବିଲାୟାଁ ଡ଼ୀଞ୍ଜିମାନି ହିଚୁ ଗୁଦ୍‌ୱା। 10 ତାନି ନ଼କିଟି ହିଚୁତି କାଡା ହ଼ଚା ୱା଼ତେ; ମା଼ଣା ମା଼ଣା ଏ଼ୱାଣି ସେ଼ବା କିତେରି ଅ଼ଡ଼େ ଦସ ମା଼ଣା ଲ଼କୁ ଏ଼ୱାଣି ନ଼କିତା ନିତେରି। ନୀହାଁୟି କୁଗିତେ, ଅ଼ଡ଼େ ପତିୟାଁ ଦେପି ଆ଼ତୁ।"