Romanos 6

11 Aw maynan uman, silinga la mayu na nyatay da ya pagkalim mayu mag-imoꞌ sa salaꞌ. Aw dun ni kamayu pag-eyaꞌ, daluga mayu ya pagkaliman na Tyumanem, kay nyakasambuk da kamu kan Kristu Jisus.

12 Yanagaw, diliꞌ da mayu pagtumbay na magdumala pa ya salaꞌ dun ni lawas mayu, pada diliꞌ da mayu ka͡agadan ya pagkaliman na pagka-utawun mayu adti imo-unun na malatay. 13 Aw diliꞌ mayu uman pagtumbay ya manga punganan na lawas mayu na mag-imoꞌ sa malatay, manang atagan mayu baling ya pagka-utawun mayu adti Tyumanem na un mag-imoꞌ sa madyaw. Kay nyatay da ya dadan na pagka-utawun mayu aw adun pigbagu la kamu. Yanagaw atagan ya manga punganan na lawas mayu adti pag-imoꞌ sa pagkaliman na Tyumanem.