1 ତେନିୱେନ୍‌କା ନାନୁ ଆମାକା ୱେର୍‌ଆ, ଆକା ମୁସ୍‌କୁପୁର୍‌ଦୁ ଉଣ୍ତ୍ରି ପୁରାନାଣ୍ତ ଲୋକୁଦି ଆଉଲି ୱାଜା ମନେଆଜିମାରାତ୍ । ୱାର୍‌ ଇଜିମାର୍ହାର୍‌, "ମାପୁରୁଙ୍ଗୁଁ ପ୍ରସଂସା କିଦୁ । ମା ମାପୁରୁ ରକ୍‌ୟା, ଗୌରବ୍‌ ମାରି ସାକ୍ତିଦି ଅଦିକାରି । 2 ୱାନି ବିଚାର୍‌ ସତ୍‌ ମାରି ନ୍ୟାୟ୍‍ତିକା; ଆମା ପେରି ଦାରିପାଣି ନିଜେଦି ଦାରିପାଣିଦାନ୍‌ ଦୁନିଆଦିଙ୍ଗ୍‌ ନାସ୍ଟୁ କିତାମାର୍ହାତ୍‌, ୱାନ୍‌ ୱାନିଙ୍ଗ୍‌ ଦଣ୍ତ୍‌ ସିଜି ନିଜେଦି ଦାସରି ନେତେର୍‌ତି ବାଦ୍‌ ୱାନିମାଣ୍‌କୁ ଅତାମାନାର୍‌ ।" 3 ନାନୁ ୱେର୍‌ରା, ୱାର୍‌ ମାରି ପେରିଆଉଲିଦାନ୍ ଇଜିନାର୍‍, "ମାପୁରୁଦି ପ୍ରସଂସା ପାଟାକିଦୁ । ଆୟା ପେରିଗାଡ଼୍‌ତିଙ୍ଗ୍‌ ଦଂସ କିଜି ସିଜିମାନି ସିସୁଦି ଗୋଇ ୱିଜୁଦିନ୍‌ ମୁସୁକୁ ନିଙ୍ଗିଁଜିମାନାତ୍ ।"