ସାରାସାରି ବିଚାର୍
11 ତାନିୱେନ୍କା ନାନୁ ସୁଡ଼ୁତା, ଅଡ଼ିନି ରଙ୍ଗ୍ତି ଉଣ୍ତ୍ରି ପେରି ସିଂହାସନ୍ ମାରି ତାନି ମୁସ୍କୁ ଅରେନ୍ ବାସ୍ତା ମାନାନ୍ । ୱାନି ଆଗିଡ଼ିରାନ୍ ପୃତିବି ମାରି ବାଦଡ଼ ଉରୁକ୍ତେ ମାରି ୱାର୍ ମାରି ସୁଡ଼ୁଦେଙ୍ଗ୍ ଆଟ୍ଏତାର୍ନି । 12 ତାନିୱେନ୍କା ନାନୁ ସୁଡ଼ୁତା, ଏସ ପେରିକା, ଏସ ତାଗ୍ଇ ସାତିଲୋକୁ ୱିଜେରେ ସିଂହାସନ୍ ଆଗ୍ଡ଼ି ନିରାଆମାନାର୍ । ବଇଙ୍ଗ୍ୱିଜୁ କୁତ୍ତାର୍; ଆୟାୱିଜୁ ବଇଙ୍ଗାଁ ଲୋଇରାନ୍ ଜିବନ୍ ପୁସ୍ତକ ଦରୁଦି ଉଣ୍ତ୍ରି ବଇ ମାରାତ୍ । ଆୟା ଜିବନ୍ ପୁସ୍ତକଦୁ ଲୋକୁ ପାଣିକିତିମାନି ବିସୟ୍ତାନ୍ ଏମେ ୱିଜୁ ରାସାତାମାନାତ୍, ଆୟା ଇସାପ୍ତାନ୍ ୱାରି ବିସାର୍ଆତାତ୍ । 13 ଆୟା ବେଡ଼ାଦୁ ସାମୁଦୁର୍ ଲୋଇ ସାତିମାନି ଲୋକୁ ନିଙ୍ଗିଁଜି ୱାତାର୍ । ସାତିଗୁଟାଦୁ ମାନି ଲୋକୁ ବା ସୋସି ୱାତାର୍ । ୱାର୍ ୱିଜେରେ ନିଜେ ନିଜେଦି ପାଣିକିତି ଇସାପ୍ତାନ୍ ବିଚାର୍ ଆତାର୍ । 14 ତାନିୱେନ୍କା ସାନିକା ମାରି ସାନିପାତାଲ୍ତି ଆୟା ସିସୁଦି ସାମ୍ଦୁର୍ତୁ ପୋକ୍ତାର୍ । ଇୟା ସିସୁଦି ସାମ୍ଦୁର୍ ଆଜିନାତ୍, ରୁଣ୍ତି ଦେବେଙ୍ଗ୍ ସାନିକା । 15 ଆମାୱାରିନ୍ଦି ଦରୁ ଜିବନ୍ ପୁସ୍ତକଦୁ ରାସାଏତ୍ ମାର୍ହାତ୍, ୱାନ୍ ବା ୱିଜେରେ ସିସୁଦି ସାମ୍ଦୁର୍ତୁ ପୋକାଇ ଆତାର୍ ।
/images/a/b7d72741-6189-4a89-94c2-43952d9f2700)
/images/a/6c03efee-c76a-4ab8-fe2e-555683f90900)