5 ପିତର ଜଇଲ୍ତୁ ମାନିୱାଲେ ମଣ୍ତଲିଦି ଲୋକୁ ଉଣ୍ତ୍ରି ମନ୍ତାନ୍ ୱାନି ଉଣ୍ତିଙ୍ଗ୍ ମାପୁରୁଦି ଲାକ୍ତୁ ପାର୍ତାନା କିଜିମାର୍ହାର୍ ।
7 ଆୟାଦାପ୍ରେନେ ପ୍ରବୁଦି ଅରେନ୍ ଦୁତ୍ ୱାଜି ନିର୍ଆତ୍ ମାରି ବାକ୍ରା ଜାୟ୍ ଆତାସର୍ହାତ୍ । ଦୁତ୍ ପିତର୍ତି ଗୁଜାମ୍ତିଙ୍ଗ୍ଁ ଦୁକ୍ଜି ୱାନିଙ୍ଗ୍ଁ ସୁସ୍କାଣ୍କାଣ୍କୁ ନିକ୍ସି ଇର୍ହାତ୍, "ବେଗି ନିଙ୍ଗ୍ଁଆ !" ବେଗି ବେଗି ପିତରତି କିୟୁଦୁ ତର୍ଆତିମାର୍ହି ସିକ୍ଣିଙ୍ଗ୍ ଆର୍ତେ ସର୍ଏ । 10 ୱାର୍ କାପ୍କିନିୱାରି ପାର୍ତୁମ୍ ନି ମାରି ଉନ୍ଣ୍ତ୍ରି ବାଡି ଜିଣାଜି ସାରାସାରି ଗାଡ଼୍ତୁ ଡ଼ୁଗୁନି ସାରିଦୁ ମାନି ଲୁୱା ସେର୍ଲା ଲାକ୍ତୁ ୱାତାର୍ । ୱାରି ଉଣ୍ତିଙ୍ଗ୍ ସେର୍ଲା ତାନି ମନ୍ତିଙ୍ଗ୍ ରେଏତାତ୍ ମାରି ୱାର୍ ସହସି ବୁଲାଜି ୱାତାର୍ । ୱାର୍ ପେରିଜାରିଦୁ ସଲ୍ପୁ ସଲ୍ପୁ ଆୟାଦାପ୍ରେନେ ମୁସ୍କୁପୁର୍ତି ଦୁତ୍ ପିତରତିଙ୍ଗ୍ ଡ଼ିସ୍ସି ସର୍ହାତ୍ ।
12 ନିଜେଦି ଅବସ୍ଥାଦି ବିସୟ୍ତାନ୍ ଜାଗାର୍ତା ଆଜି ୱାନ୍ ଜୋହନତି ନି ମାର୍କରି ଆଇସି ମରିୟମତି ଇଲୁଦୁ ସର୍ହାନ୍ । ଆବେ ନାଣ୍ତ ଲୋକୁ ଉଣ୍ତାଜି ପାର୍ତନା କିଜିମାର୍ହାର୍ । 13 ପିତର ଆତ୍ରେ ସେର୍ଲାଦୁ କତ୍ତାନ୍, ରୋଦା ଦର୍ତି ଅରେତ୍ ଦାସି ସେର୍ଲା ରେତେଙ୍ଗ୍ଁ ୱାତାତ୍ । 14 ପିତରତି ବଲ୍ ନେସ୍ତେଙ୍ଗ୍ଁ ଆଟ୍ସି ୱାଦ୍ ନିସା ୱେଡ଼ିକା ଆତାତ୍ଜେ ସେର୍ଲା ରେଏନ୍ଣ୍ତା ପିତର ଆତ୍ରେ ନିର୍ଆ ମାନାନ୍ ଇଜି ୱେର୍ତାତ୍ । 15 ୱାର୍ ତାନିଙ୍ଗ୍ ଇର୍ହାର୍, "ନିନ୍ ବାୟା ଆତିମାନି ।" ମାତର୍ "ଇକା ସତ୍" ଇଜି ୱାଦ୍ ଆଟ୍ୱାଦାନ୍ ଇର୍ହାତ୍ଆକା, ୱାର୍ ଅଡ଼୍ବିତାର୍, "ଆରିଙ୍ଗ୍ ଆନାମାନାତ୍, ଇକା ୱାନି ଦୁତ୍ ।"
16 ପିତର ଜାରିଦିଙ୍ଗ୍ ଜାରି ସେର୍ଲାଦୁ କତ୍ସି ମାର୍ହାନ୍ । ସାରାସାରି ୱାର୍ ସେର୍ଲା ରେସି ୱାନିଙ୍ଗ୍ ସୁଡ଼୍ଜି କାବାତାର୍ ।