ପ୍ରେରିତ 18

କରନ୍ତି ଗାଡ଼୍‌ତୁ ପାଉଲତି ସେବା ପାଣି

1 ଇୟା ୱେନ୍‌କା ପାଉଲ ଆତେନ୍‍ସ୍‍ ଡ଼ିସ୍‌ସି କରନ୍ତିଦୁ ୱାତାନ୍‌ । 2 ମାରି ୱାନ୍‌ ଆକିଲା ଦର୍‌ତି ଜିହୁଦି ଲୋକ୍‍ତିଙ୍ଗ୍‍ଁ ବେଟ୍‌ଆତାନ୍‌, ପନ୍ତଦୁ ୱାନ୍‌ ଜନମ୍‌ ଆତାମାର୍ହାନ୍‍; ସମ୍ରାଟ କ୍ଳାଡିୟସ୍‍ ୱିଜେରେ ଜିହୁଦି ଲୋକାଙ୍ଗ୍‌ ରୋମ୍ ଡ଼ିସ୍‍ତେଙ୍ଗ୍‍ଁ ଇଜି ଆଦେସ୍‌ ସିତାମାର୍ହାନ୍‍ଆକା, ୱାନ୍‌ ଏସ ଦିନ୍‌ ଆଗ୍‌ଡ଼ି ୱାନି ଆଡ଼୍‌ସି ପ୍ରିସ୍କିଲାଦି ୱାଲେ ଇଟାଲିଦାନ୍‍ ୱାତାମାର୍ହାର୍‍ । 3 ପାଉଲ ୱାରିଙ୍ଗ୍‍ଁ ବେଟ୍‌ଆଦେଙ୍ଗ୍‍ଁ ସଲ୍‍ସି ୱାରି ୱାଲେ ବାସାତାନ୍‍, ଇରିଙ୍ଗ୍‍ଁ ୱାନ୍‌ ବା ୱାରିୱାଜା ଗୁଡ଼େଏଙ୍ଗ୍‍ଁ ତିଆର୍‌ କିଜି ଜିଜି ମାର୍ହାର୍‌ ।