Atos 2

ପବିତ୍ର ଆତ୍ମାଦି ୱାନିକା

1 ପେଣ୍ଟିକଷ୍ଟ ପଣ୍ତତି ନାଣ୍ଡିଙ୍ଗ୍ କ୍ରିସ୍ଟାନ୍‍ ଲୋକୁ ୱିଜେରେ ଉଣ୍ତ୍ରେ ବାଡିଦୁ ଉଣ୍ତାତା ମାର୍ହାର୍‌ । 2 ଆୟାଦାପ୍ରେନେ ନାଣ୍ତ ଗାଲି ୱାନି ଆଉଲି ୱାଜା ବାଦଡ଼୍‍ତାନ୍‍ ଉଣ୍ତ୍ରି ବାଦଡ଼ତାନ୍‌ ଆଉଲି ଆତାତ୍‌ ମାରି ଏମେ ଇଲ୍‌ତୁ ୱାର୍‌ ବାସ୍‍ତାମାର୍ହାର୍‍, ଆକା ଆୟା ଆଉଲିଦାନ୍‍ ପୁରା ଆତାତ୍‌ । 3 ତାନିୱେନ୍‍କା ୱାର୍‌ ସୁଡ଼ୁତାର୍‌, ଏସୋ ସିସୁ ୱେତଲ୍‍ ସାର୍‍ଜି ଆବେ ମାର୍ହି ୱିଜେରିଙ୍ଗ୍‍ ମୁଟ୍‍ତାତ୍‍ । 4 ୱାର୍‌ ୱିଜେରେ ପବିତ୍ର ଆତ୍ମାଦୁ ପୁରା ଆତାର୍‌ ମାରି ଆତ୍ମାଦାନ୍‌ ସାଲାଜି ଆଇ ଆଇ ବାସାଦାନ୍‍ ମାଟା ଇଣ୍ତ୍ରେଙ୍ଗ୍‌ ଆସ୍‌ତାର୍‌ ।