22 ଏ ଇସ୍ରାଏଲ୍‌ତି ଲୋକୁ, ଇୟାୱିଜୁ ମାଟା ୱେନ୍‌ଡ୍ରୁ ! ନାଣ୍ତ ସାକ୍ତିଦି ପାଣି ମାରି କାବାନି ସିନା ଦାନ୍‌ ନାଜରିୟତିୟ ଜିସୁ ଜେ ମାପୁରୁ ପକ୍‍ତିକାନ୍ ଇଜି ପାର୍‍ମାଣ୍‍ କିଆୟ୍‍ ଆତାମାନାନ୍‍ ମାରି ମାପୁରୁ ସାକ୍ତି ପୁରାକିତିକାନ୍‍, ଇକା ମି ଲାକ୍‌ତୁ ସତ୍‌ ଆତାମାନାତ୍‌ । ମି ଲୋଇ ଇୟା ଇୟାୱିଜୁ ଗଟନା ଗଟାତାତ୍‍, ଆଦେଙ୍ଗ୍‌ ଇୟା ବିସୟ୍‌ତାନ୍‌ ମିର୍‌ ନେଗେନ୍‍କିଜି ନେସ୍‌ତିମାନିଦେର୍‌ । 23 ✝୨:୨୩ ମାତିଉ ୨୭:୩୫; ମାର୍କ ୧୫:୨୪; ଲୁକ ୨୩:୩୩; ଜୋହନ ୧୯:୧୮.ମାପୁରୁ ୱାନି ଉପାୟ୍‌ ଇସାବ୍‌ତାନ୍‌ ଜିସୁଙ୍ଗୁଁ ମି କିୟୁଦୁ ସର୍ପେ କିଦେଙ୍ଗ୍‌ ତିର୍‍ କିତାମାର୍ହାନ୍‌ । ମାରି ମିର୍‌ ୱାନିଙ୍ଗ୍‌ ପାପିଲୋକା ମାଣାନ୍‌ କ୍ରୁସଦୁ ଏକିସ୍‍କିଜି ଡାକ୍‍ତି ମାର୍‌ଇଦେର୍‌ । 24 ✝୨:୨୪ ମାତିଉ ୨୮:୫,୬; ମାର୍କ ୧୬:୬; ଲୁକ ୨୪:୫.ମାତର୍‌ ମାପୁରୁ ୱାନିଙ୍ଗ୍‌ ସାନି ମାଣ୍‌କୁ ଡ଼ିସିସ୍‍କିଜି ମାରିଡ଼େସି ନିକ୍‍ତାନ୍‍, ଇରିଙ୍ଗ୍‌ ୱାନ୍‌ ସାତି ମାନୁ ତରାୟ୍‍ଆଜି ତେବାନିକା ଅସମ୍ଭବ ।