44 ✝ବିସ୍‍ବାସ୍‍ସିର୍‍ ଆପ୍‍ଣା ଆପ୍‍ଣାଦି ୱାଲେ ଉନ୍‍ଡ୍ରେମାନୁ ମିସାତାର୍‍ ମାରି ମିସାଜି ୱାରି ୱିଜୁ ଦନ୍‌ ସିଜିସାଜି ଆତାର୍‌ । 45 ୱାର୍‌ ଆପ୍‍ଣା ଆପ୍‍ଣାଦି ମାନି ଦନ୍‌ତିଙ୍ଗ୍‍ ପର୍‌ଜି, ଡାବୁଙ୍ଗୁଁ ୱିଜେରି ଦର୍‌କାର୍‌ ଇସାବ୍‌ତାନ୍‌ ନିଜେନିଜେ ଲୋଇ ବାଟା କିତାର୍‍ । 46 ୱାର୍‌ ୱିଜୁଦିନ୍‌ ପାର୍‍ତନାକିନି ମନ୍ଦିର୍‌ତୁ ଉନ୍‍ଡ୍ରେ ଦଲ୍‌ ୱାଜା ଉଣ୍ତାଜି ମାର୍ହାର୍‌ ମାରି ଇଲ୍‌କାଙ୍ଗ୍‌ ଇଲ୍‌କାଙ୍ଗ୍‌ ରୁଟି ରୁକ୍‍ସି ୱେଡ଼ିକା ମନ୍‍ତାନ୍‍ ମାରି ନେଗି ଜିବନ୍‌ତାନ୍‌ ଉଣିତିନିକା କିଜି, 47 ମାପୁରୁଦି ଦନ୍ୟବାଦ୍‌ କିଜି ୱିଜେରେ ଲୋକା ୱାଲେ ନେଗି ୱେଡ଼ିକା କିତାର୍‍ । ମାରି ପ୍ରବୁ ରକିୟା ପୟ୍‌ନି ଲୋକାଙ୍ଗ୍‌ ୱିଜୁଦିନ୍‌ ୱାରି ଦଲ୍‍ତୁ ମିସା କିଦେଙ୍ଗ୍‌ ଆସ୍‌ତାନ୍‌ ।