3 Hapa tilonga matomu pamilomo yembizi kuyetila kuti dzitiwhilile, tolawula mibili yadzo yose. 4 Lingani kose nezwikepe bo; nekutobe zwili zwikulukulu zwisundiwa nemhepo dzinamasimba, zolawugwa nemigoti mitukununu kuti zwiyende kunohakiwa neyendisi wazo. 5 Nelulimi bo gwakajalo, gundungululo nhikinini koga gozwikudza nekwemihingo mikulukulu.

Lingani, hhitshwaha lopisiwa nesasi yemoto! 6 Lulimi bo gonga moto. Lulimi indungululo yembili ihhele bubi, gotjinya mbili wose, gopisa butjilo gwenhu gose nemoto, igo gubesedzegwa negehena. 7 Dzose njudzi dzemhuka nenyunyi dzose, nezwibanda zwinosoba nemhuka dzinogala mugungwa, dzingadzikamisiwa kakale dzakadzikamisiwa nenhu, 8 koga akuna nhu ungadzikamisa lulimi. Agutolawulika guhhele bubi, guhhele buhungu gunobulaya.