1Koranti 7

32 N kasirɛ ɔkɔ ɔ̃nɛ atette yɛti lɛrinɛ. Shɔgbete jo tɛso ɓa ã yuu a Uɓeyelapa vishonɛ, aruviya kasinɛ Uɓeyelapa ntawɔ tɔ̃vɨntɔ. 33 Ama shɔgbete u so ɗɔnyɛ lɛri ɓɛjo a ruu vi kotipi, aru gbete kasi ɓɛso u ntau tɔ̃vɨn a sisɨn roorinɛ; 34 u sisɨn vɔsi kɛ ɗɔɔ ziti. Suu gbete ji tɛ vɔshɔ ɓa ko jasu nyara ã sisɨn ɓɛjo a Uɓeyelapa vishonɛ, aru gbete kasi yuu ãnɛ au suruni Uɓeyelapa; ama suu gbete au tɛ vɔshɔ tɛttɔ ã yuu ɓɛjo a vi kotipi, aru gbete kasi ɓɛvɔ sisɨn roorinɛ.

35 N gelɔɔ vim aru n kasɔɔ naa pɔ̃sinɛ. N jo pɛli ɓa nɛn kasɔɔ ɓɔ̃nɛ ɓa. N kasirɛ ɔ pɛli jo vitɔ̃vɨng au dang yɛ, ɓa a sisɨn vɔsinɛ niɓa.