1 Nkɔng Bulus n gakɔɔtɔ, shɔ gbete shɔ ɓang nɛ shɔ gbete u yulakinɛ ɓa na nkɛ ɔ̃nɛ ɔkɔɔniyɛ, ama n shɔlanɛ naa n ji ɔ̃ ɓa ɔkɔɔni ɓayɛ. Aru yuurorinɛ a Kirisi tɔ̃vɨn shonɛ, 2 n gakɔɔtɔ, n kaanɛ ɔkɔɔ pɔ̃nnɛ n ɔ̃ shɔlanɛ, aruviya ɔ zɛ tɛttɔ n yɛn bɔ̃ɔ̃ shɔgbete i tɔnɛ vi gbete n pɛliyɛ pɛ vikotipinkɔ. 3 Pɛ nizɛ u ɔ̃nɛ a kotipikɔ, ama u ba gbete u waayɛ ɓa shɔ kotipi ɓa. 4 Viyaa au shovi shonɛ a wuniyɛ ɓa viyaa shɔ kotipim ɓa ama pɛ Ɗalapa viyaa gbete u kaka aɗɔn fɛ̃ɛm, gbete u pɛli vishonɛ awuni u lɛsi ɗɔ gbeteyi kaka aɗɔn, u lɛsi nyamasinɛ nyayeelinɛyi. 5 U lɛsi ruu nyamasinɛ ko-pi shopiyatɔ, u lɛsi ko-iviyatɔ gbete zãri ruu Ɗalapa zɛnɛyɛ, u pɔ̃ kopiya u sisɨn u gɨn Kirisi nya-ãsinɛtɔ. 6 Akɨnti gbete ɔ ã yuutɛ a Kirisi biini, kɛɗɔn u yɛ mabiitɔ u gɔ̃ kopiya yushoo shɔgbeteyi i ji gɨn Kirisi nyaɓayɛ.

7 Ɔ taanɔɔ a vigbete ɔ nɔɔ zɛyɛ. Shɔwɔyi kɛ tɔnɛyi pɛ Kirisi ɓɛɛyɛ, i lɛri pɛ ai sisɨn fɛ̃ɛm, i zɛtɔ nɛ ukɔuma u ji Kirisi ɓɛɛkɔ na gbete i pɛliyɛ. 8 N yɛn ntayusẽ ɓa, n baasirɛ a kaka gbete Uɓeyelapa ãuyɛ aru gbete n pɔ̃rɛ ɔ barɛ, ɓanɛ aru n pɔ̃rɛ ɔ sãtirɛ ɓa. 9 N ji kasi ɓa ɔ zɛnaa n ãwɔ sẽti a yɛti sẽkoo gbete n beerɔɔ yɛ niɓa. 10 Aruviya shɔwɔ shanɛ<<Bulus sẽkooyi pɛ raɓoonɛ aɗɔn a kakani, ama na kɛ ɔ̃nɛ a ukɔni au yuu, u kaka ɓa, u nyanwanɛu ɓa viwɔɔ ɓa!>> 11 ɔ̃tɛ kaka jazɨng akɔrɔ shɔu zɛtɔ u vɔsinɛ ɓa atette vigbete u bee a sẽkoouni aɗagbete u ɓa ɗɔnni ɓayɛ, a vigbete u pɛliyɛ naa u nyazɔɔ a ɔkɔɔni.

12 U ji tɔɓanɛ u tɛɛsiu yuu a shɔ gbeteyi zɛnaa i tɛɛ kopiyatɛni ɓa. shɔzɛ gbete ai tɛɛsiyi yuu a zɔni, i yeeruu ai yuu aru ɓɛɛ zɔɔyi ai nɔɔ, i ɓa shɔruu kpẽnɛ ɓaǃ 13 Ama au bi, u yɛ baasi ɓa a vigbete u kaka pɛlinɛ ɓa ɗɔniyɛ ɓa; u yɛ shijo a vishonɛ gbete Ɗalapa yeeriu nɛu pɛlikɔ sheeli, vimkɔ ɔ̃rɛ vishonɛ gbete awɔ teteyɛ. 14 A sitɛɗɔkɔ ɔ nwanya ji a vishonɛ gbete Ɗalapa ãwɔkɔ sheeli, aru nankɔ aɗa gbete u awɔ ɗɔbii n ji tɛɛ vigbete Ɗalapa shayɛ ɓa aru u nwarɔɔ ruu tɔ̃vɨn a Kirisi ruubii. 15 U ji baasi ɓa a shɔwɔyi vishonɛ gbeteyi pɛliyɛni ɓa aru u kpaari yuu ɓassinɛ ɓa. Ama au sisɨn ɔ kɛ yɛ ɗeknnɛ a sisɨn ãnɛni a Kirisi bi, u vishonɛ awɔ tete yɛ barɛ u yɛ ɗekɨnɗekɨn, kopiɗaviya yɛ shijo a vishonɛ gbete Ɗalapa yeeriukɔ sheeli. 16 U yɛ nwari shɔ ruu tɔ̃vɨntɔ a tipi wɔni gbete au tɛɛ ɔ ɗɔbii tɛttɔyɛ, u yɛ baasi ɓa ayuu vishonɛ gbete shɔwɔyi pɛlitɛ gbotini ɓa.

17 Ama ji nagbete Ɗanyaruubii shayɛ,<<Shɔ gbeteu kɛ tɔnɛn baasitɔ ɔ̃tɛ kaka jazɨng akɔrɔ u baasi a vi gbete Uɓeyelapa pɛliyɛ.>> 18 Aruviya ɓa shɔgbete au bɛliu yuukɔ shɔ ãsisɨnrɛ au biini ɓa, ama see shɔ gbete Uɓeyelapa bɛliuyɛ shɔ ãsisɨnrɛ au biini.