Shɔ sã Yesɔ tɛ
43 Aɗagbete Yesɔ siu doo ɗɔɔ nyanwanɛ, shɔzɛ gbete atette Yesɔ jadɔyi kopi tu ziti Yahuza shɛrɛ au bi a shɔwɔyini waanɛ, i sãli zààli a naa a laabāāni pẽniba gbete u yuu pẽniba, yupɛ̃ni nyawàànɛ a jaa Ɗa a shɔmala nya-ãsinɛ Musa wɔsɔ̃n shɔpẽni ɗɔlaa ikɔi shɔirɛ a Yesɔ ɗɔbii.
44 Shɔgbete mɛli Yesɔu si ma ruu tɛttɔ a mɔɔyini nɔgbete yɛ tasiyi shɔgbeteyi iyɛ sãuyɛː <<Shɔgbete nkɛ kɔ̃tiu nanɛ abiiyɛ si ukɔ; Ɔ sãurɛ ɔyɛ awuni ɔ ã sɔjayi naa.>> 45 Naa Yahuza tottɛ tɛɛ ɓɛɛ jo Yesɔ ɗɔbii, a shanɛ,<< shɔmalaǃ>> a kɔ̃tiu naarɛ bi. 46 Kɛɗɔn shɔ sã Yesɔ rɛ a maurɛ.
50 Kɛɗɔn Yesɔ jaɗɔyi piti kpai i lokiurɛ i yurɛ i yaurɛ yɔbm.