Yesu kotsilihuka
1 Nemitondotondo litsuwa lya mwanduso lya juma, kung’ali na ichisi, Mariya Magidalena kaghenda kuna likaburi, kona libwe liseghetsighwa kulawa hana ghumlango ghwa likaburi .
11 Lekeni Mariya tsakema hanze habehi na likaburi kolila. Hayang’ali yolila, kenama kasungulila mghati mwa likaburi;
14 Kuya Mariya kahunduka kuchughu, kamwona Yesu kema, lekeni ng’amanyile baye kama ayo tsa Yesu.
16 Yesu kamwidika, "Mariya!"
Mariya kahunduka, kalonga kwa Chieburaniya "Rabboni!" Mana yake "Mlangulitsi wangu."
17 Yesu kamlongela, "Leka kunikinda, kwaapfila sina nguluke baye kughenda kuchanya kwa Baba. Lekeni ghenda kwa ndughu tsangu ukawalongele, Nene noghuluka kughenda kuchanya kwa Aba wangu iyali Aba wenu, kwa Imlungu wangu iyali Imlungu wenu."
18 Afo Mariya Magidalena kaghenda kawalongela iwanafunzi kama kamwona Imtwatsa, kawalongela na achila chayamlongele.
Yesu kowalawila iwanafunzi wake
(Mat 28:16-20; Malk 16:14-18; Luk 24:36-49)