35 Kuya Yesu kawalongela, "Nene na ichijo cha ugima, ayula iyakutsa kuna nene ng’atsakwona nzala baye, na ayula iyonitoghola nene ng’atsakwona ng’ilu baye ghendo.
48 Nene na ichijo cha ugima. 51 Nene na ichijo ichili na ugima, ichihulumke kulawa kulanga; imunu yang’aja ichijo achino, katsokala mgima ghamatsuwa ghose ing’aghohupa; na ichijo chanilapfa nene lulo ilukuli lwangu, kwa ajili ya ugima wa iwanu wa isi yose."
53 Apfo Yesu kawalongela, "Nowalongela kweli ghendo, ka ng’amkuja baye ilukuli lwa Imwana wa Adamu na kuinwa idamu yake, ng’amkuwa na ugima baye mghati mwenu. 56 Imunu wowose iyoluja ilukuli lwangu, na kuinwa idamu yangu, ayo koghendelela ukukala mghati mwangu, na nene nokala mghati mwake.
Mbuli tsa Ghamatsuwa Ghose
60 Wanu wengi mna iwanafunzi wake hawahulike apfo, walonga, "Ghamalangulitso aghano makomu. Apfi yuhi iyodaha kughatoghola?"
66 Kulawa litsuwa alyo iwanafunzi wake wengi woya kuchughu, ng’awamuwinzile kel bayei.