41 Mwemwe mwotenda tsisang’ano tsa aba wenu."
Baho wamlongela, "Twetwe ng’atwoneke kwa utsinzi baye, twinaye Aba wetu yumwe, yuyo Imlungu."
Iwana wa Setani
42 Yesu kawalongela, "Imlungu yang’awile Aba wenu, mng’anikundille nene, kwaapfila nilawa kwa Imulungu na sambi na ahano. Sitsile kwa ukubama kwangu nimwenyegho baye, ila yeye kanituma. 44 Mwemwe mwa wa aba wenu Ibilisi, na tsitamaa tsa aba wenu tsitso tsamsulukila ukutenda. Yeye kawa mkomi tangia mwanzo, wala ng’emile mna ukweli baye, kwaapfila ng’amna ukweli baye mghati mwake. Hayolonga ughutsu, kolonga gha ichihendo chake, kwaapfila kamghutsu na kababa wa ughutsu.