Waroma 15

Imbuli inoghile kwe iwanu wose

7 Apfo mwibokele mwemwe kwa mwemwe, ka Kiristu pfayambokeleni mwemwe, ili Imulungu yatunyighwe. 8 Mana nomlongelani Kiristu tsakawasang’anila Wayahudi ili yalanguse ukweli we Imulungu, na laghano lyekile Imulungu ne iwabala wetu litimile, 9 ili nawo iwanu iwali si Wayahudi wamtunitse Imulungu kwa libatsi lyake. Ka Ghamaandiko Mahenzeluka pfagholonga

Apfo nitsokutunitsa mghati mwe iwanu we isi tsingi,

Nitsakwimba kulitunya taghwa lyako.

10 Kuya Ghamaandiko gholonga,

"Mdeng’elele mwemwe iwanu imli si Wayahudi;

mdeng’elele hamwe ne iwanu wake." 11 Kuya Ghamaandiko gholonga,

"Mumtunye Imtwatsa, mwemwe iwanu imli si Wayahudi bae,

Mumtunye yeye, mwemwe makabila ghose!"

12 Kuya Isaya kolonga,

Mlukolo mwa Yese katsolawila imunu,

naye katsowatawala kolo tsose.

iwanu iwali si Wayahudi nawo watsomlolela.