2 Litsuwa limwe, Ruti ipinga yula iyalawile mna isi Moabu, kamlongela Naomi, "Leka nighende kumghunda nikasalalitse ipfijo ipfilekighwe. Songaa nitsomwona imunu iyatsondeka nisalalitse kuchughu kwake." Naomi kamwidika, "Ona mwanangu, ghenda." 3 Apfo Ruti kaghenda kumghunda, kawawinza kuchughu iwanu iwopfuna aku kosalalitsa ipfijo ipfilekighwe, na baho katanga kumbe yang’ali yosang’ana mna mghunda ghwa Boazi, iyolawa mna lukolo lwa Elimeleki.
10 Baho Ruti kamwinamila Boazi mbaka hasi, kamlongela, "Ule konendela uluso uno? Ebali umbonela libatsi nene yanili mgheni?" 11 Boazi kamwidika, "Wanongela ghose ghaumtendele mwalipfala wako kulawa hala hayafile mmale wako, na apfila pfaumlekile aba wako na mai wako, na isi yako na kutsa kukala na iwanu ng’ana uwamanye bae. 12 Imtwatsa Imulungu yakulihe kwa ghose ghautendile, Imulungu wa Isiraeli yaumtsumilile yakulolese, na yakwing’e ighanoghile."