Ruti kopata Mmale
1 Kuya Naomi kamlongela Ruti mwalipfala wake, "Mwanangu, angu ambe pfinogha nene nikubamile mmale yakukwele, naye yakutunze? 4 Pfipfila uhamanye hanu hayowasa, na ang’awasa, mghendele lughalugha ufunule ligholole hane maghulu ghake, naghwe uwase baho, naye katsokulongela chokutenda."
9 Kaghutsa, "Angu ghweghwe uli nani?"
Ruti kamwidika, "Nene Ruti, imtumwa wako, ungubike gholelo lyako kulangusa ka kobamighwa kunitunza, ung’wele kwaapfila ghweghwe kwa imunu wa lukolo lwetu."
10 Boazi kamwidika, "Imtwatsa Imulungu yakubaliki, kwaapfila uluso waututendele mkulu kubita ula waututendele ghumwande, mana ng’aubamile bae iwabwanga iwalihela chinu au awala iwane mali wakukwele. 11 Lelo uleke kupfuka Ruti, nitsokutendela ghose ghaubama kwaapfila iwanu wose iwali mna ghumji ghuno wokumanya ka ghweghwe kwa ipinga yunoghile. 12 Ona ghendo, nene nobamighwa kukutunza ghweghwe, lekeni kuna ndughu yungi iyali habehi kubita nene yobamighwa kukutunza ghweghwe. 13 Apfo ukale hano chilo chose, na ilupfi nemitondo tutsolola ka katsotoghola au katsolema kukutunza, Ang’atoghola pfinogha, ang’alema, nene nelaha kwa taghwa lye Imulungu nitsokutunza. Uwase hano mbaka nemitondo." 15 Boazi kamlongela, "Ugholose hasi ikanga yako iyawighubike." Naye Ruti katenda pfipfo. Kuya Boazi kamwikila Shayili debe limwe, kamtwika. Kuya ipinga ayo koya ukaye yake.